Հաղորդավարուհի, ոճաբան Մադոննա Հարությունյանը նոր լուսանկար է հրապարակել, որում իր հետեւորդներին ու երկրպագուներին ներկայացել է գրավիչ ու անսովոր կերպարում։

Instagram-ի էջում հրապարակված լուսանկարում Մադոննան կրում է խորը դեկոլտեով, սեւի եւ մոխրագույնի համադրությամբ զգեստ, որը նկատելի է դարձրել նրա դաջվածքը։ Հաղորդավարուհին արձակել է ալիքավոր վարսերը, վառ ու ընդգծված շպար նախընտրել։

Հիշեցնենք, որ ավելի վաղ հրապարակված լուսանկարում Մադոննան կրում էր ճերմակ վերնաշապիկ, մուգ երանգի վերարկու։ Նա մեղմ շպարով էր, իսկ կերպարն ամբողջացնում էին աքսեսուարները։ Հրապարակմանը կից Մադոննան գրել էր․ «Ինձ համար «դառնալը» ինչ-որ բանի հասնելը չէ, ոչ էլ ինչ որ նպատակ իրագործելը: Այն ինձ համար մշտական ընթացք է զարգանալու եւ շարունակ կատարելագործվելու հնարավորություն: Ճամփորդությունը երբեք չի ավարտվում: Ես մայր եմ դարձել, բայց դեռ շատ բան ունեմ սովորելու եւ իմ աղջկան տալու»: