COVID-19 կորոնավիրուսը կարելի է տեսնել միայն լուսային մանրադիտակի տակ։ Գիտնականները ցույց են տվել, թե ինչ տեսք ունի անտեսանելի մարդասպանը։
Ամբողջ աշխարհը հետևում է նոր կորոնավիրուսի վերաբերյալ նորություններին, քանի որ վիճակագրությունն իսկապես մտահոգիչ է. վարակվածների թիվն արդեն գերազանցել է 1.4 մլն–ը։
Սակայն քչերը գիտեն` ինչ տեսք ունի այդ անտեսանելի մարդասպանը։
Ամերիկացի գիտնականները կարողացել են լուսանկարել և ցույց տալ, թե ինչ տեսք ունի վիրուսը մանրադիտակի տակ։ Նոր կորոնավիրուսը բաղկացած է փոքրիկ մարմիններից` սպիտակուցի շերտով փաթաթված ՌՆԹ–ներից և ԴՆԹ–ներից։
COVID-19-ը կարելի է տեսնել միայն լուսային մանրադիտակի տակ։ Դժվար է պատկերացնել, որ այդ գույնզգույն մարմինները կարող են հազարավոր մարդկանց սպանել։ Լուսանկարում վիրուսը նման է մանկական գրքերում զետեղվող նկարի կամ խաղալիք գեղադիտակով երևացող պատկերի։
Վիրուսը շատ նման է թագի, հենց այդ պատճառով էլ ստացել է «կորոնավիրուս» («թագավարակ») անվանումը։
Առողջապահության համաշխարհային կազմակերպությունը (ԱՀԿ) մարտի 11-ին հայտարարեց նոր կորոնավիրուսի COVID-19- ի բռնկման համաճարակի մասին: Կազմակերպությունը կոչ արեց պետություններին միանալ վարակի դեմ ակտիվ պայքարին:
