Գիտնականները վերլուծել են կորոնավիրուսային վարակի դեպքերի մասին զեկույցը, որը պատրաստվել է Չինաստանի հիվանդությունների վերահսկման և կանխարգելման կենտրոնի կողմից, և գտել են այն մարդկանց խումբը, ովքեր ամենաքիչը հավանական է, որ վարակված լինեն COVID-19- ով, գրում է Իզվեստիան:
Համաձայն մինչեւ փետրվարի 1-ը Չինաստանում գրանցված վարակվածության դեպքերի, ամենաքիչը վարակվել են երեխաները եւ դեռահասները: Հաստատվել է, որ հիվանդների միայն 1 տոկոսն է բաժին ընկնում նորածիններին, երեխաներին, դեռահասներին եւ մինչեւ 19 տարեկաններին:
Ռուս վարակաբանների կարծիքով կորոնավիրուսը խնայում է մոլորակի երիտասարդ բնակչությանը, սակայն երեխաների համար վիրուսի անվնաս լինելու մասին դեռ տեղեկություններ չկան: Ըստ Նիժնի Նովգորոդի պետական համալսարանի կենսաբանության և կենսաբժշկական ինստիտուտի վարիչ Մարիա Վեդունովայի, երեխաները գործնականում չեն վարակվում իմունային համակարգի հատկությունների պատճառով: Տարեցները, որոնք հիմնական ռիսկի խմբում են, ունեն վատ առողջություն և քրոնիկ հիվանդություններ, հետևաբար նրանք ավելի շատ հակված են վարակի:
«Բոլոր վիրուսային հիվանդությունները շատ վտանգավոր են տարեցների համար»,- ընդգծել է նա:
