Դերասան Ռոբերտ Պատինսոնը ճանաչվել է աշխարհի ամենագեղեցիկ տղամարդը։  Պլաստիկ վիրաբույժ Ջուլիան Դե Սիլվան նման եզրակացության է եկել այն բանից հետո, երբ կատարել է «ոսկե հատվածքի» բանաձեւի հաշվարկները, հաղորդում է The Sun-ը:

Հայտնիների դեմքի համամասնությունների վերլուծության արդյունքում պարզվել է, որ «Մթնշաղ»-ի 33-ամյա աստղը 92,15%-ով մոտ է իդեալական հարաբերակցությանը:

«Ռոբերտ Պատինսոնը բացարձակ հաղթող է դարձել, երբ մենք նրա դեմքի բոլոր գծերը գնահատել ենք ֆիզիկական կատարելության աստիճանով», - հայտարարել է Դե Սիլվան:

Երկրորդ տեղը զբաղեցրել է Հենրի Կավիլը, որը հայտնի է «Սուպերմեն» եւ «Վհուկներ» ֆիլմերում կերտած դերերով, նրա արդյունքը՝ 91,64% է: Իսկ բրոնզը բաժին է հասել Բրեդլի Քուփերին (91%)։

Պլաստիկ վիրաբույժի վարկածով ամենագեղեցիկ տղամարդկանց թոփ-10-ը․

Ռոբերտ Պատինսոն՝ 92,15%,

Հենրի Կավիլ՝ 91,64%,

Բրեդլի Քուփեր՝ 91%,

Բրեդ Փիթ՝ 90,51%,

Ջորջ Քլունի՝ 89,91%,

Հյու Ջեքման՝ 89,64%,

Դեւիդ Բեքհեմ՝ 88,96%,

Իդրիս Էլբա՝ 88,01%,

Քանյե Ուեսթ՝ 87,94%,

Ռայան Հոսլինգ՝ 87,48%։

Հոկտեմբերին վիրաբույժը նույն կերպ է վերլուծել հայտնի կանանց դեմքերի համամասնությունները։ Նա այն ժամանակ ամենագեղեցիկ է անվանել Բելլա Հադիդին, լավագույն եռյակում տեղ գտել են նաեւ Բեյոնսեն եւ Էմբեր Հերդը։