Անկասկած՝ մայրիկներն ու տատիկները կարող են կիսվել իրենց իմաստուն և արժեքավոր խորհուրդներով, չէ՞ որ նրանք մեծ փորձ ունեն։ Բայց միշտ չէ, որ պետք է այդ խորհուրդները միանշանակ ընդունել՝ առանց ծանր ու թեթև անելու, հատկապես, երբ խոսքը երեխաներին է վերաբերում։
Մենք ուսումնասիրել ենք հին սերունդների ամենատարածված խորոհուրդները և պարզել է, թե դրանցից որոնց պետք չէ հետևել։
1. Որպեսզի ջերմությունը իջնի, երեխային պետք է տաք փաթաթել։
Սա միայն ավելի կբարձրացնի ջերմությունը, կամ պարզապես թույլ չի տա իջնել։ Բժիշկները խորհուրդ են տալիս երեխայի ճակատին թաց անձեռոցիկ դնել, սենյակային ջերմաստիճանի շատ հեղուկ տալ, օդափոխել սենյակը, երեխայի շորերը թեթևացնել։
2. Երեխաներին չի կարելի լողացնել հիվանդ ժամանակ
Այսօր բժիշկներն ասում են, որ երեխային կարելի է լողացնել հիվանդ ժամանակ, եթե ջերմությունը չի գերազանցում 37,5 °С –ը և եթե չկան մաշկային հիվանդություններ։
3. Որպեսզի երեխայի մազերը հաստանան և խտանան, պետք է նրան խուզել
Իրականում սա ոչինչ չի փոխի։ Մաշկաբանները այս թյուր կարծիքը բացատրում են խուզած և չխուզած մազերի ֆակտուրայի տարբերությմբ. Խուզելուց հետո աճած մազերն ավելի հաստ են թվում, բայց դա միայն տեսողական էֆեկտ է։
4. Երեխային պետք է հնարավորինս շուտ սովորեցնել գիշերանոթին։
Մի շտապեք լսել այս խորհուրդը ևս։ Երեխային պետք է սովորեցնել դրան միայն այն ժամանակ, երբ նա պատրաստ է։
5. Այրվածքները պետք է մշակել յուղով
Այս խորհրդին նույնպես պետք չէ հետևել։ Այրվածքի վրա յուղ քսելով՝ դուք այն պատում եք անթափանց թաղանթով, որը թույլ չի տալիս, որ մաշկը սառչի։ Բժիշկները խորհուրդ են տալիս այրված տեղը սառը ջրի տակ պահել, ցավազրկող խմել, առկայության դեպքում հատուկ քսուքով մշակել։
6. Կրծքով կերակրման ժամանակ չի կարելի վառ գույների մթերքներ ուտել
Արդեն վաղուց ապացուցված է, որ դա այդպես չէ։ Երեխաների մեծամասնության մոտ որևէ խնդիր չի ծագում։ Մայրն ամեն ինչ պետք է ուտի, միայն թե չափավոր։ Եթե ինչ որ մի բանից ամեն դեպքում վախենում է, պետք է սկզբում քիչ քանակությամբ փորձել։
7. Ձախլիկներին պետք է սովորեցնել աջ ձեռքով գրել
Չի կարելի բնությանը դեմ գնալ. դա կարող է բացասական երևույթների հանգեցնել։ Կարող է նաև ազդել կենտրոնանալու և սովորելու ընդունակության վրա։
