Դերասան Ջեյմս Դինի պատկերը, որը զոհվել Է 1955 թվականին, վերստեղծելու են համակարգչային գրաֆիկայի օգնությամբ: Այդ մասին, ինչպես գրում Է The Hollywood Reporter-ը, ստացված թվային կրկնօրինակը «խաղալու Է» «Փնտրելով Ջեկին» կինոնկարում:

Magic City Films ստուդիան Ջեյմս Դինի պատկերն օգտագործելու իրավունքը ձեռք Է բերել նրա ազգականներից: The Hollywood Reporter-ի տվյալներով, դերասանի «իրական տարբերակն ստեղծելու վրա աշխատելու են Image Engine եւ MOI Worldwide ընկերությունները՝ օգտագործելով տեսանյութերը եւ լուսանկարները: Դրա հետ մեկտեղ նշվում Է, որ Դինին հնչյունավորելու Է մեկ այլ դերասան:

Հրատարակությունը տեղեկացնում Է, որ դերասանը խաղալու Է կարեւորությամբ երկրորդական՝ Ռոգան անունով հերոսի դերը: Որպես կինոնկարի դերասաններ հանդես են գալու Անտոն Էռնստը եւ Թաթի Գոլիխը, որոնք հիմնել են Magic City Films-ը: «Մենք շատ ենք հպարտանում, որ նրա (Ջեյմս Դինի) ընտանիքն աջակցում Է մեզ եւ նախազգուշական բոլոր միջոցները ձեռնարկում, որպեսզի նրա՝ որպես ամենավիթխարի կինոաստղերից մեկի, ժառանգությունը մնա ամբողջության մեջ»,-հայտարարել Է Էռնստը: Պլանավորված Է, որ «Փնտրելով Ջեկին» կինոնկարը վարձույթ կմտնի 2020 թվականի նոյեմբերին:

Ֆիլմը լինելու Է Հարեթ Քրուքերի՝ Վիետնամի պատերազմի վերջի իրադարձությունների մասին պատմող համանուն վեպի Էկրանավորումը: Սյուժեն ներկայացնում Է ռազմական գործողությունների ընթացքում օգտագործված ավելի քան 10 հազար շների պատմությունը, որոնց լքել են: Ջեյմս Դինը մահացել Է 1955 թվականին ավտովթարից՝ 24 տարեկան հասակում: Իր կարիերայի ընթացքում նա հասցրել Է խաղալ ընդամենը մի քանի նշանավոր դերեր: «Դրախտից դեպի արեւելք» եւ «Հսկան» ֆիլմերի համար նա անվանակարգվել Է «Օսկար» մրցանակի: