4-ամյա բրիտանացի մոդելն այլևս չգիտի, թե ինչպես զարմացնի իր աշխատանքի հավատարիմ երկրպագուներին: Խորը լանջաբացվածքներով զգեստները և լողազգեստները չափազանց կանխատեսելի են դարձել, ուստի այս անգամ աղջիկն անսպասելի մոտեցում է ցուցաբերել խնդրին:
Instagram-ում տեղադրված իր նոր լուսանկարներում Դեմի Ռոուզը համատեղել է զգեստապահարանի երկու սիրված հանդերձանքները՝ զգեստ և բիկինի: Բայց որոշ փոփոխություններով. բացակայել է լողազգեստի տոպը, իսկ զգեստը եղել է մեծ անցքերով ցանցից: Որպեսզի ինչ-որ կերպ թաքցնի այն, ինչը սոցցանցը կարող է խստորեն արգելել, Դեմին պառկել է որովայնի վրա և արձակել վարսերը:
Սև հանդերձանքը շքեղ տեսք ունի աղջկա արևայրուքով մաշկի վրա, իսկ մուգ շագանակագույն երանգներով նրա դիմահարդարումը լրացնում է ճակատագրական գեղեցկուհու կերպարը: Հսկայական ականջողները խաղացկուն տեսք են տվել մոդելին:
Նկարների տակ Դեմին գրել է. «Հրեշտակային էներգիա» և հրեշտակի պատկերով էմոջի ավելացրել: Ցանցի օգտատերերը հիացել են հրապարակումով և բազմաթիվ հաճոյախոսություններ գրել մեկնաբանություններում:
Դեմի Ռոուզը հայտնի բրիտանական մոդել է, որն աշխատում է հիմնականում ԱՄՆ-ում, բայց նկարահանվում է ամբողջ աշխարհում: Նա Instagram-ում 10.4 միլիոն հետևորդ ունի:
