Ջուրը հանդիսանում է առողջության պահպանման համար ամենաանհրաժեշտ տարրը: Այն օգտակար է և անհրաժեշտ, իսկ դրա ճիշտ կիրառումը կօգնի կանխել մի քանի հիվանդությունների գոյացումը: Ջրի օգտակարության մասին հետազոտություններ անընդմեջ անցկացվում են, սակայն մինչ այժմ գիտնականներն այդպես էլ չեն կողմնորոշվել, թե երբ է այն օգտակար խմել` ուտելուց առաջ, թե հետո: Ներկայացնում են տվյալներ, որոշողը դուք պետք է լինեք: Ջուրն ուտելուց առաջ օգնում է հագեցվածությանը և կրճատում է սնվելու ընթացքում եկող կալորիաների քանակը:
Ավելի պարզ ասած՝ ստամոքսը ջրով հագեցնելով դուք ավելի քիչ եք ուտում: Իսկ ուտելու ընթացքում գազավորված ըմպելիքների փոխարեն մաքուր ջուր խմելով դուք նաև պահպանում եք կազմվածքը: Ջուրը նաև թարմություն է հաղորդում մեր օրգանիզմին: Հենց այդ պատճառով էլ կարևոր է ջուր խմել նախաճաշից առաջ: Ուտելուց առաջ ջուր խմելը կօգնի նյութափոխանակությանը և կապահովի ամբողջ օրվա համար անհրաժեշտ էներգիան: Ջուրն ուտելուց հետո օգնում է մարսողությանը:
Երկար ժամանակ կարծիք կար, որ ջուրը խանգարում է մարսողությանը, սակայն վերջերս արված հետազոտությունը հակառակն է ապացուցել:
Բացի այդ՝ ուտելուց հետո ջուր խմելն օրգանիզմին հնարավորություն է տալիս արագ մարսել կարևոր վիտամինները: Պետք է հիշել, որ խմելն օգտակար է օրգանիզմի համար, իսկ թե երբ դա անել, պետք է որոշեք ինքներդ: Օրվա ընթացքում անհրաժեշտ քանակի ջուր ստանալով՝ դուք միշտ կլինեք լավ տրամադրությամբ և ինքնազգացողությամբ:
