Բաղադրիչներ
120 գ ալյուր,
4 հավկիթ,
100 գ կարագ,
300 մլ ջուր,
Մեկ պտղունց աղ
Շաքարի փոշի
Պատրաստման եղանակ
Կաթսայի մեջ ջուր ենք լցնում և նրա մեջ ավելացնում կարագը: Միջին ջերմության վրա թողնում ենք մինչև եռալու աստիճան: Անհրաժեշտ է, որ կարագը ամբողջությամբ հալվի:
Կաթսան վերցնում ենք կրակի վրայից և դրա մեջ լցնում ենք ալյուր: Արագ խառնում ենք:
Երբ ստացված զանգվածը դառնում է միջին գոլության, ավելացնում ենք մեկ հավկիթը և լավ հարում ենք (կարելի է խառնիչի օգնությամբ ):
Ավելացնում ենք աղը և կրկին խառնում ենք:
Թավայի մեջ լցնում ենք ձիթապտղի յուղ, թողնում ենք, որ տաքանա և գդալի օգնությամբ մեկ առ մեկ խմորը դնում ենք թավայի մեջ:
Պատրաստի պոնչիկները դնում ենք անձեռոցիկի վրա, սպասում ենք, որ սառչի և ավելացնում ենք շաքարի փոշի:
Բարի ախորժակ:
