Ակտիվ, դրական ու էներգիայով լի այս դերասանին հանդիսատեսը հանդիպում է ե՛ւ երգելիս, ե՛ւ հեռուստատեսությամբ հաղորդումներ վարելիս, ե՛ւ թատրոնում կերպարներ մարմնավորելիս: Արսեն Գրիգորյանին հետեւում ենք ոչ միայն «Դոմինո» սիթքոմում, այլեւ իր անձնական #arsenvlog-ում, ուր կարելի է տեսնել ամենաանսպասելին ու ծիծաղելին: Տեսաօրագրի, գործնական ու անձնական նորությունների մասին նա պատմել է BRAVO.am-ի հետ հարցազրույցում:
-Ինչպե՞ս եւ ինչո՞ւ ծնվեց տեսաօրագիր ունենալու գաղափարը:
- Նոր բան էի ուզում անել: Մի անգամ ռեժիսոր Էդգար Բաղդասարյանի հետ էի խոսում, ու ասաց, որ հետեւում է վիդեոներիս ու հավանում է, ես էլ հումոր արեցի՝ ասելով՝ քանի որ ռեժիսորներն ինձ չեն նկարում, ստիպված սկսել եմ ինքս ինձ նկարել, մոնտաժել ու եթեր տալ: Արձագանքներից ու մեկնաբանություններից հասկացա, որ մարդիկ սիրում են, սպասված է, ու ես էլ ազարտի ընկա:
-Կցանկանայի՞ր ֆիլմ նկարել ու եթե նկարեիր, ինչի՞ մասին այն կլիներ:
-Չեմ մտածել այդ մասին ու պատրաստ էլ չեմ դրան:
-Վերջերս քեզ հաճախ կարելի է տեսնել նկարչուհի, դերասանուհի Լյուսի Աբդալյանի հետ: Ձեզ միայն ընկերությո՞ւնն է կապում:
-Մենք էմոցիոնալ դաշտով շատ նման ենք: Ստեղծագործական կյանքն է մեզ կապում. միմյանց հետ շատ անկեղծ ու ազատ ենք՝ զրուցում ենք ամեն ինչից: Վերջերս, երբ լսում եմ, որ մարդիկ սիրահարված են կամ որեւէ մեկի սիրտը զբաղված է, մտածում եմ՝ ինչ լավ է, որ լավ հույզեր են ապրում: Ինձ համար զգացմունքն այն չէ, որ եղավ ու անցավ…
Նյութն ամբողջությամբ` սկզբնաղբյուր կայքում:
