Ժաննա Ֆրիսկեի մահվանից հետո, իսկական «պատերազմ» սկսվեց նրա ընտանիքի և ամուսնու` ռուս հայտնի հաղորդավար Դմիտրի Շեպելևի միջև: Վերջինս Ժաննայի հորը թույլ չի տալիս տեսնվել իրենց որդու` Պլատոնի հետ:
Ռուսական շոու-բիզնեսի շատ ներկայացուցիչներ նույնպես քննադատում են Դմիտրիին, սակայն կան նաև այնպիսիք, ովքեր պաշտպանում են նրան: Երգչուհի Լոլիտան հիացմունքով է խոսում Դմիտրիի մասին:
«Ես հիանում եմ Դիմայով: Նա հարգանքի արժանի մարդ է, և ես նրա պահվածքի մեջ որևէ ձևական բան չեմ նկատել: Զարմանում եմ, թե ինչպես է նա դեռ հանդուրժում մարդկանց և Ժաննայի ընտանիքի կողմից հնչող վիրավորանքները:
Ես խնդրում եմ բոլոր նորմալ և աննորմալ մարդկանց, հանգիստ թողեք Դիմային, մի խառնվեք նրա կյանքին: Նա արժանի է միայն հարգանքի»,- լրագրողներից մեկին տված հարցազրույցում ասել է երգչուհի Լոլիտան:
