Բրազիլիայում Miss Amazonas գեղեցկության մրցույթի մասնակից Շեյսլանե Հայալան մրցույթի հաղթող Քերոլ Տոլեդոյի գլխից պոկել Է թագը վերջինիս պարգեւատրումից անմիջապես հետո, հաղորդում է «Արմենպրես»-ը՝ հղում անելով The Daily Star-ին: Հայալան իր արարքը բացատրել Է նրանով, որ Տոլեդոն, իր կարծիքով, «գնել Է տիտղոսը»:
Միջադեպը տեսախցիկով նկարահանել են հանդիսատեսները. համապատասխան տեսահոլովակը հրապարակվել Է Ցանցում: Դրանում երեւում Է, որ սկզբում երկրորդ տեղը զբաղեցրած Հայալան ձեւացրել Է, թե ուրախ Է հաջողակ մրցակցուհու համար. նա գրկել Է թագն ստացած Տոլեդոյին, բայց մի քանի վայրկյան հետո բռնել Է զարդը, այն պոկել մրցակցուհու գլխից եւ նետել բեմի վրա:
«Ես ներողություն եմ խնդրում, եթե որեւԷ մեկին դուր չի եկել իմ վարքագիծը, բայց ես արել եմ այն, ինչ սիրտս Է հուշել»,-ավելի ուշ հայտարարել Է կռվարար աղջիկը:
Տուժածի, ինչպես նաեւ ժյուրիի անդամների արձագանքի եւ մեկնաբանությունների մասին հրատարակությունը չի գրում:
2014 թվականին Շեյսլանե Հայալան Բրազիլիան ներկայացրել Է Բաքվում անցկացված Miss Globe International մրցույթում, որտեղ նա նույնպես զբաղեցրել Է երկրորդ տեղը:
