Life.panorama.am-ը գրում է.
Վերջերս «Հանդիպումներ Ռուսաստանում» միջազգային փառատոնում մեծ հաջողություններ գրանցած «Պենելոպե» մոնոներկայացման դերասանուհի Ագնեսա Շահնազարյանը, ով այժմ նկարահանվում է նաև «Հարազատ թշնամի» սերիալում, նույնպիսի աշխույժ և կենսախինդ անձնավորություն է, ինչպիսին երևում է էկրաններից: Life.panorama.am-ը Ագնեսայի հետ զրուցել է նրա դերասանական գործունեությունից, կերտած կերպարներից, անձնական կյանքի հետ կապված ցանկություններից և այլ թեմաներից:
- Գիտենք, որ ինքնաքննադատաբար եք մոտենում ձեր աշխատանքին, «Պենելոպեում» կերտած ձեր կերպարի հանդե՞պ էլ եք այդ մոտեցումը ցուցաբերել:
- Ես առհասարակ, ինքնաքննադատաբար եմ մոտենում իմ ամեն գործին: Երբեմն, մոնոներկայացումներից հետո մայրիկիս, ով իմ առաջին քննադատն է, ասում էի. «Չես պատկերացնի՝ ինչ վատ եմ խաղացել» (ծիծաղում է): Բայց, փաստորեն, այն մեծ հաջողություններ գրանցեց և ընդլայնեց հրավերների շրջանակը:
-Պարոնյանի թատրոնում «Տիկին մինիստրուհի» ներկայացման շրջանակներում կերտած կերպարը ձեզ հեգեհարազա՞տ է:
-Կարող եմ ասել, որ հանդիսատեսը հիշել է իմ կերպարը, իսկ դա ամենակարևորն է: Այդտեղ ես շատ խորը մարդու չեմ մարմնավորում, բայց ես սիրում եմ նրան, իմ կերպարը վառ է ու պայծառ, ես նրան հետին պլան չեմ մղել:
-«Հարազատ թշնամի» սերիալում առաջին անգամ հանդես եկաք բացասական էլեմենտներ պարունակող դերով. հետաքրքի՞ր է նման կերպարներ մարմնավորելը:
-Հետաքրքիր չի լինի, եթե դերասանուհին անընդհատ դրական կերպարներում հանդես գա: Այն, ինչ անում է սերիալի իմ հերոսուհին, արդարացված է, եթե, անգամ, նա դիմում է վատ քայլերի, դա ունի իր դրդապատճառները:
Շարունակությունը` այստեղ:
