Երեկ “Arly” ակումբում, կայացավ երգչուհի Ջուսի նշանդրեքը: ESem.am-ը հետևել է երգչուհու նշանդրեքին և քեզ կներկայացնի բացառիկ մանրամասներ:) Ջուսը սիրելիին թևանցուկ ակումբ ժամանեց, երբ բոլոր հյուրերն արդեն հավաքվել էին :)
Ջուսի ընտրյալը ֆրանսիահայ Ռիչարդն է, ով զբաղվում է ինտերերի և էքստերերի դիզայնով և ունի շինարարական ընկերություն: Ջուսը հպարտությամբ նշեց, որ իր սիրելին տիրապետում է 4 լեզվի` հայերեն, ռուսերեն, ֆրանսերեն և իտալերեն: Նրա խոսքով` Ռիչարդը լիովին համապատսխանում է իր իդեալին, միայն ծխելն է, որ դուր չի գալիս երգչուհուն (այդ պահին Ռիչարդը ծխախոտը ձեռքին խոստացավ, որ կթողնի ծխելու վատ սովորությունը` հանուն սիրելիի):
ESem.am-ն արդեն պատմել է, թե զույգն ինչպես է ծանոթացել: Ջուսը հավելեց, որ սկզբնական շրջանում «սառն» էր պահում իրեն. «Ինձ շատ են գրում, ես էլ մտածում էի՝ ի՞նչ է ինձնից ուզում այս տղամարդը:) Հետո նրա քայլերը, ուշադրությունը ստիպեցին ինձ փոխել վերաբերմունքս»:
Երգչուհին նշեց, որ նշանադրության օրն ընտրել են հաշվի առնելով, որ իրենց բոլոր ընկերներն այդ օրը Երևանում են: Երեկույթին ներկա էին Ջուսի բարեկամները, ընկերները, կոլեգաները՝ Էմմին, Օլգա Այվազյանը, Լիլիթ Կարապետյանը, Վարդան Սարգսյանը, Դինա Ակոպովնան, Արփինե Բեկջանյանը և այլք, իսկ փեսայի կողմից` քեռիներն ու զարմուհիները. «Ռիչարդի հայրիկի հետ ծանոթություն դեռ չի եղել, քանի որ նա շատ զբաղված է և ինչ-ինչ պատճառներով այսօր էլ չի կարողացել ներկա լինել, հաջորդ ամիս կտեսնեմ նրան»:
Ջուսը խոստովանեց, որ նոր կարգավիճակում ինքն իրեն ավելի երջանիկ է, և իրեն ուրախացնում է այն փաստը, որ հավաքվածներն ի սրտե ուրախանում են նրա համար: 34-ամյա երգչուհին նշում է, որ 16 տարվա տարիքային տարբերությունը միայն օգնում է հարաբերություներին. «Երբ տղամարդը տարիքով մեծ է, ավելի հասուն և խելամիտ է: Իհարկե, խոսքը խելացի տղամարդու մասին է: Մենք շատ լավ ենք հասկանում իրար. նա անմիջապես հասկանում է այն, ինչ ես զգում եմ»:
Ակումբի ամեն անկյունում կարելի էր նկատել Ֆրանսիայի փոքրիկ դրոշակներ, ինչը Ռիչարդի գաղափարն էր, իսկ տորթի հետաքրքիր դիզայնի հեղինակը երգչուհին է, մատանին նրանք ընտրել են միասին:
Զույգի ամուսնությունը նախատեսվում է աշնանը կամ գարնանը: Ջուսի խոսքով՝ ամուսնությունից հետո պատրաստվում է մեկնել Ֆրանսիա, սակայն Հայաստանը չի մոռանա: «Երկու ամիս այնտեղ կլինեմ, երկու ամիս՝ այստեղ»,- իրեն բնորոշ ոգևորությամբ ասաց երգչուհին և հավելեց, որ փեսացուն առաջիկա օրերին կմեկնի Ֆրանսիա, իսկ հաջորդ ամիս կրկին կգա Հայաստան:
ESem.am-ը շնորհավորում զույգին է և երջանկություն մաղթում:
Լուսանկարները` Տալիթա Բաղդասարյանի և Տաթևիկ Մկրտչյանի
