•  Նրա գլուխգործոց-աշխատանքների մասին քննադատները գրել են. «Աստված ստեղծեց Ադամին, բայց միայն Բրյուս Վեբերը նրան մարմին տվեց»: Ձեզ ենք ներկայացնում նրա անհավանականորեն զգացմունքային, հիասքանչ լուսանկարները:

• 

• Լուսանկարչի իր կարիերան Բրյուս Վեբերը  (Bruce Weber) սկսել է ոչ թե որպես լուսանկարիչ, այլ` մոդել: «Ես ֆոտոմոդել դարձա, որովհետև ցանկանում էի տեսնել, թե ինչպես են աշխատում այն լուսանկարիչները, որոնցով ես հիանում եմ», — ավելի ուշ պատմում է նա: Եվ տեսնելու բան, իրոք, կար: Բավական է միայն ասել, որ նրան լուսանկարում էր Ռիչարդ Ավեդոնը: Փորձ կուտակելով` Վեբերը սկսեց զբաղվել լուսանկարչությամբ, բայց նրա ուղին դեպի լուսանկարչական Օլիմպ ոչ միշտ էր զարդարված վարդերով. նա հաճախ էր ստիպված պայքարել իր յուրաքանչյուր ձեռքբերման համար:

  

•  

• «Ոչ ոքի դուր չէին գալիս իմ լուսանկարները, ոչ ոք չէր հասկանում, թե ինչու եմ ես լուսանկարում տղամարդկանց», — հիշում է նա: Առաջինը, ով ճանաչեց նրան որպես տաղանդավոր լուսանկարչի, լուսանկարիչ Դայանա Արբուսն էր: «Ես Դայանային հանդիպեցի, երբ ինձ հետապնդում էին բազմաթիվ տհաճություններ... Նա մեկն էր այն քչերից, ում դուր էին գալիս իմ լուսանկարները: Նա ինձ խորհուրդ տվեց հաճախել Լիզեթ Մոդելի լուսանկարչության դասերին»:
  Նշենք, որ կանանց հիասքանչ լուսանկարները նույնպես Բրյուս Վեբերի պորտֆոլիոյի նշանակալի մասն են կազմում: Դրանց շարքում հատուկ տեղ են զբաղեցնում «Պիրելլիի»` 1998 և 2003 թվականների ֆոտոօրացույցները: Լեգենդար լուսանկարիչը ստեղծել է հայտնի մարդկանց լուսանկարների շարք:
  Լուսանկարում նրա սիրելին է` Քեյթ Մոսը: 

  

• Բրեդ Փիթը 1992-ին

  

• Ջեյմս Ֆրանկո

  

• Հիթ Լեջեր

  

• Մարիոն Կոտիյար

  

• Նատալյա Վոդյանովա

  

• Մադոննա

  

• Դերասան Մայքլ Ֆարսբենդերը

  

• Շոն Պեն

  

• Պամելա Անդերսոն

  

• Ռոբերտ Պատինսոն

  

• Բրյուս Վեբերը մեծ ներդրում ունի ֆեշն լուսանկարչության ասպարեզում: Չնայած նա երբեք չի զբաղվել սոցիալական ֆոտոնախագծերով, Վեբերի աշխատանքները ստատիկ չեն ստացվում. դրանք լի են դինամիկայով և բնականությամբ, որի պակասը զգացվում է ժամանակակից հայտնի ամսագրերի լուսանկարներում: 

  

• Դժվար է չնկատել մաեստրոյի հատուկ վերաբերմունքը ուժեղ սեռի նկատմամբ. կանայք նրա լուսանկարներում բնական են, գեղեցիկ և սեքսուալ, իսկ տղամարդիկ` խորհրդավորության քողով պատված, ինչ-որ չափով մեկուսացած աշխարհից և նույնիսկ վերամբարձ:

  
• 
• 
• 

• Սա մի կադր է այն ֆոտոշարքից, որը Բրյուս Վեբերին բերեց առաջին մեծ հաջողությունը: 1983 թվականին նա լուսսնկարներ արեց Քալվին Քլեյնի` տղամարդու սպիտակեղենի գովազդի համար: Ամերիկացի քննադատների կարծիքով` այն առ այսօր մնում է սպիտակեղենի լավագույն ֆոտոգովազդը ամբողջ աշխարհում: 

  

Պատրաստեց  Նարինե Ավետիսյանը