Այս կամ այն վիտամինների պակասը բնորոշ է մարդկանց մեծ մասին: Աչքերի հիվանդությունների ժամանակ օրգանիզմը պահանջում է որոշակի վիտամիններ՝ A, E, և C: Ճիշտ սննդակարգը, որն ուղղված է տեսողության պահպանմանը և աչքերի ֆունկցիաների պաշտպանությանը, պարտադիր պետք է պարունակի այս վիտամիններով հարուստ մթերքներ:

Վիտամին A-ն առկա է գազարի, լոլիկի, սեխի, կանաչեղենի, կանաչ ոլոռի, կանաչ սոխի, կաթնաշոռի, լյարդի մեջ: Վիտամի B-ն` բանջարեղենում, սնկերում, կաթնաթթվային մթերքներում: Վիտամին C-ն` մասուրի, կարտոֆիլի, թթու կաղամբի, ցիտրուսների մեջ: Առատորեն օգտագործեք այս մթերքները ձեր սննդակարգում:

Վիտամին A-ի ամենաառատ աղբյուրը գազարի հյութն է: Այն արտակարգ սնում է ողջ ակնահամակարգը, արագ և լավ յուրացվում է: Այս հյութը կարելի է խմել ցանկացած ժամանակ, սակայն տարին երկու անգամ այն պետք է խմել որպես դեղամիջոց` մեկ ամսվա ընթացքում ամեն առավոտ: Պետք է հիշել, որ շոգեխաշած գազարը, հյութը, թարմ կանաչին պետք է պարտադիր օգտագործել թթվասերով կամ կարագով, քանի որ վիտամին A-ն` ճարպալույծ է: Թեյի գդալով բուսայուղը լիովին բավական է:

Աչքերի և տեսողական նյարդի հիվանդությունների, եղջերաթաղանթի խոցոտումի, կատարակտի և կոնյունկտիվիտի ժամանակ արդյունավետ է մաղադանոսի հյութը: Այն ամենաուժեղ ազդող հյութերից է, ուստի, պետք է խմել ոչ ավել քան օրը 30-40մլ` մոտ մեկ թեյի գդալ: Մազադանոսի հյութը լավ կլինի բացել ջրով կամ խառնել այլ բանջարեղենային հյութի հետ: Չափազանց օգտակար է գազարի և մաղադանոսի հյութը: Ճակնդեղը շատ լավ "թարմացնում" է աչքերը, մաքրում արյունը և ընդհանրապես աղջ օրգանիզմը: Այս հյութից երկու ճաշի գdալ կարելի է ավելացնել գազարի և մաղադանոսի խարնուրդին:

Աչքերի անոթների վրա դրական ազդեցություն ունի ծիրանը` թարմ վիճակում, հյութի տեսքով, չրի տեսքով: Ամառային հատապտուղներից տեսողությունը լավացնում է հապալասը: Սեզոնին այն պետք է օգտագործել 10 բաժակից ոչ պակաս: Հապալասn իր հատկությունները լավ պահպանում է չեփած մուրաբայի տեսքով, շաքարի հետ այն պետք է տրորել` հատապտղի և շաքարավազի մեկական բաժակ համադրությամբ: Եթե պատրաստած հապալասը պահվելու է սառնարանում, շաքարի չափը կարելի է երկու անգամ կրճատել: Պարտադիր խմեք մասուր, քանի որ վիտամին C-ի պարունակությամբ նրան հավասարը չկա, և նրա ամենօրյա օգտագործումը ապահովում է անոթների ճկունությունն ու ամրությունը: 

Կարճատեսությամբ տառապող մարդիկ պետք է հախախ օգտագործեն ալոճ, որը հարուստ է ասկորբինաթթվով և կարոտինով: Ալոճենու չորացած տերևները և պտուղները կարելի է օգտագործել թեյի մեջ: Թուլացած աչքերին անհարժեշտ է դդում, որը հարուստ է կերատինով: