Օրեր առաջ մեկնարկեց «Ժողովրդական երգիչ» նախագծի չորրորդ եթերաշրջանը: Հեռուստադիտողի համար անակնկալ էր նախագծի հաղորդավարուհու կերպարում տեսնել Վարդուհի Ալեքսանյանին, ում մինչ այս տեսել էինք «Պարիր,թե կարող ես» նախագծի ժյուրիի կազմում, իսկ հետո արդեն՝ «Առավոտը Շանթում» ծրագրում: Եթերային և ոչ եթերային փոփոխությունների մասին ArmՏtar.am-ը զրուցեց պրոֆեսիոնալ պարուհու հետ:
Երաժշտական նախագիծը նոր է մեկնարկել: Ինչպե՞ս ստացաք այն վարելու առաջարկը, և արդյո՞ք նման նախագծերի ժյուրիի անդամից մինչև հաղորդավար փոփոխությունը դժվարություններ չառաջացրեց:
Ճիշտն ասած՝ դեռ «Առավոտը Շանթում» հաղորդման շրջանակներում քիչ-քիչ սկսեցի հմտանալ այս արվեստում: «Ժողովրդական երգիչ» նախագիծը վարելու հրավերը ստանալուն պես, չմերժեցի այն, քանի որ միշտ կողմ եմ փոփոխություններին: Ժողովրդական երգը, պարը ինձ մոտ միշտ էլ եղել են: Առաջարկը ստանալուն պես, մտածեցի, որ արժե այս նախագծի շրջանակներում էլ ավելի մոտիկից ծանոթանալ ժողովրդկան երգ երաժշտությանը և պատկերացրեք, որ արդյունքում հասկանում եմ, որ գնալով էլ ավելի եմ սիրահարվում դրան:
Ի՞նչ եք կարծում, ստացվո՞ւմ է նախագիծը ճիշտ ներկայացնել:
Քանի որ քննադատությունների դեռ չեմ արժանացել, դա խոսում է այն մասին, որ երևի, թե վատ չեմ ներկայացնում: Իսկ, թե որքանով է ստացվում այն ինձ մոտ, կարծում եմ, պետք է հեռուստադիտողը խոսի:
Չնայած, կայքերում շատ մեկնաբանություններ տեսնում եմ, որտեղ գրում են, թե հաղորդավարուհին հայուհու կերպար է կերտում, կանացի է: Հետևելով մեկնաբանություններին՝ կարծում եմ, որ ինձ մոտ արդեն ստացվել է:
Այս դեպքում պարը երկրորդակա՞ն պլան է մղվել, դրան ժամանակ տրամադրել լինո՞ւմ է:
Ցավոք, ժամանակս քիչ է ներում, բայց շուրջ 5 տարի է, ինչ դասավանդում եմ Ֆիզիկական կուլտուրայի հայկական պետական ինստիտուտում և այնտեղ զբաղվում եմ գիտական աշխատանքով:
Այս պահին ես ավելի հմտանում եմ գիտելիքներով, կրթությամբ և դեռ ստուդիա բացելու միտք չունեմ, որովհետև կարծում եմ, որ հիմա ավելի պետք եմ իմ ուսանողներին և հեռուստադիտողներին, իսկ ստուդիա հիմնելու մասին կմտածեմ արդեն մի քանի տարի հետո: Պարտադիր դասավանդելու եմ տարբեր ոճերի պարեր, անգամ բեմական կեցվածք, քայլվածք ու պահվածք եմ սովորեցնելու աշակերտներիս:
Շարունակությունը՝ այստեղ:
