Ամերիկյան մասնագետները Հարվարդի հասարակական առողջապահության դպրոցից հայտարարել են, որ կարմիր ձկան օգտագործումը նվազեցնում է սիրտ-անոթային հիվանդությունների զարգացման հավանականությունը և երկարացնում է մարդու կյանքը երկու տարով:
Նման հայտարարություն անելուց առաջ նրանք ուսումնասիրել են 2700 տարեց ամերիկացի հիվանդների բժշկական քարտերը՝ ուշադրություն դարձնելով նրանց սննդակարգին և կյանքի տևողությանը: Համաձայն ուսումնասիրությունների արդյունքների՝ այն մարդիկ, որոնց արյան մեջ հայտնաբերվել է օմեգա-3 ճարպաթթուների բարձր քանակ, 27%-ով ավելի քիչ են ենթարկվել հավանական սրտի կաթվածի:
Բացի այդ, ճարպաթթուներով հարուստ սննդամթերքի ընդունումը 35%-ով նվազեցնում է սիրտ-անոթային համակարգի հիվանդությունների զարգացման հավանականությունը: Կարմիր ձկան առկայությունը սննդակարգում նաև ավելացնում է կյանքի տևողությունը երկու տարով:
Նշենք նաև, որ առողջությունը ամրացնելու նպատակով այս սննդամթերքը պետք է ընդունել շաբաթը երկու անգամ: Այսպիսով, կերեք ձուկ, և կապրեք ավելի երկար և կլինեք ավելի երջանիկ:
