Ռուսական կինոյի և թատրոնի ճանաչված դերասանուհի Եկատերինա Գուսևան ծնվել է 1976թ-ի հուլիսի 9-ին' Մոսկվայում: Աղջկա դաստիարակությամբ զբաղվում է մայրը, ով աշխատելով որպես դաստիարակչուհի և ունենալով համապատասխան փորձ, բավարար ուշադրություն է հատկացնում երեխային՝ ամեն ինչ անելով, որ դուստրը մեծանա կիրթ և բազմակողմանի զարգացած:
Փոքրիկ Կատյան իսկական գեղեցկուհի էր, փարթամ վարսերը, որոնք կշռում էին 3 կգ, նրա հպարտությունն էին: Դեռ փոքր հասակից զբաղվել է ամենատարբեր սպորտաձևերով՝ մարմնամարզությամբ, գեղասահքով, լողով: Հետագայում ծնողները, վախենալով, որ Կատյան մարմնամարզության դասընթացներին կտրուկ շարժումներից կարող է վնասվածքներ ստանալ, նրան արգելեցին շարունակել պարապմունքները, իսկ լողից աղջիկը հրաժարվեց իր մազերի պատճառով. ձմռանը չէր հասցնում դրանք չորացնել ու շտապել դպրոց:
Պրոֆեսիոնալ պարով զբաղվելու համար, սակայն, աղջնակին ոչինչ չխանգարեց. 7 տարի պարեց վրացական պարի համույթներից մեկում: Ապագա դերասանուհին որոշել էր դպրոցն ավարտելուց հետո ընտրել կենսաբանի մասնագիտություն: Բայց կատարվեց այն, ինչ գուցե նախասահմանված էր. Եկատերինայի որոշումը փոխեց Շչուկինի անվան բարձրագույն թատերական դպրոցի ղեկավարի օգնականի հետ պատահական ծանոթությունը, որից հետո էլ վերջինս աղջկան համոզեց փորձել ընդունվել նշված թատերական դպրոցը: Եկատերինան որոշեց ռիսկի դիմել և ընդունվեց:
Շարունակությունը՝ այստեղ:
