ՅՈՒՆԵՍԿՕ-ի որոշմամբ՝ 2001թ.-ից ի վեր հունվարի 16-ին աշխարհում նշվում է լեգենդար The Beatles խմբի միջազգային օրը: Այս մասին հայտնում է vesti.ru-ն:

1957թ. այս օրը Լիվերպուլում կայացավ Cavern ակումբի բացումը, որտեղ ժամանակին իր առաջին ելույթներն է ունեցել հայտնի խումբը։

The Beatles-ի ստեղծագործությունների մեծամասնությունն ստեղծված են համահեղինակային ու ստորագրված են Ջոն Լենոնի և Փոլ Մաքքարթնիի անուններով։ Rolling Stone 500 ցուցակում առաջին տեղն է զբաղեցնում Sgt. Pepper’s Lonely Hearts Club Band ալբոմը։ Խումբը նվաճել է Գրեմի 7 մրցանակ։

The Beatles անդամները դադարեցրին իրենց համատեղ աշխատանքը 1970 թվականին, չնայած դեռ 1967-ին Փոլը և Ջոնը շոու-բիզնեսում կատարում էին սեփական նախագծերը։ Իսկ The Beatles-ի լուծարումից հետո խմբի անդամներից յուրաքանչյուրը շարունակեց իր սոլո կարիերան։