Հոկտեմբերի 2-ին և 3-ին' ժամը 19:00-ին, Հ. Մալյանի անվան կինոդերասանի թատրոնում տեղի կունենա «Կատարյալ ամուսինը» ներկայացման պրեմիերան (ըստ Դոնալդ Չերչիլի «Դեկորատորը» կատակերգության): Ներկայացման բեմադրող ռեժիսորը Միքայել Բագրազյանն է, պարերը' Նակա Միրզոյանի։

Դերերում` Տաթևիկ Գրիգորյան, Անի Բայաթյան և Արթուր Պետրոսյան:

Mediamall.am-ի այն հարցին, թե ինչի մասին է ներկայացումը, և որն է նրա նպատակը, ներկայացման բեմադրող ռեժիսոր Միքայել Բագրազյանը պատասխանեց. «Ինչպես փրկել իրավիճակը, երբ կնոջ դավաճանությունը բացահայտված է, իսկ նրա թշնամին սպառնում է ամեն ինչ պատմել նրա պահպանողական ամուսնուն։ Անգլուհին մոլորված է։ Ժամանակը կարճ է։ Ցայտնոտային իրավիճակում հայտնված կինը ստիպված օգնության է դիմում իր բնակարանը վերանորոգող դեկորատորին։ Թե ինչ է ստացվում այս ամենից, պետք է միայն տեսնել։

Իսկ թե ինչու կոմեդիա, դա նպատակային ընտրություն է, այո, խիստ նպատակյին։ Մենք կփորձենք ծիծաղով լիցքաթափել մեր հանդիսատեսին»,-իր խոսքն այսպես եզրափակեց ռեժիսորը:

Ձեզ ենք ներկայացնում փոքրիկ հատված ներկայացման փորձերից.