Բրիտանիայի հասուն բնակչության քառորդ մասը մեկ ժամից ավելի չի հատկացնում ոտքով զբոսանքին: Դրա մասին են վկայում Ramblers բարեգործական կազմակերպության անցկացրած հարցման արդյունքները: Հարցմանը մասնակցել է Միացյալ թագավորության 2000 բնակիչ: Ընդ որում, հաշվի է առնվել նաև այն ժամանակը, որ ծախսվում է խանութ, աշխատանքի ու տուն գնալիս: Հարցվածների 25%-ը տեղեկացրել է, որ ոտքով քայլելու վրա շաբաթական մեկ ժամից ավելի չի հատկացնում, 43%-ը ' մոտ 2 ժամ: Ընդ որում, հարցվածների 93%-ը համաձայն է, որ զբոսանքը ֆիզիկական մարզանքի լավ տարբերակ է: Բրիտանիայի առողջապահության նախարարության պաշտոնական առաջարկի համաձայն, առողջության համար հարկավոր է շաբաթական առնվազն 150 րոպե ֆիզիկական բեռնվածությանը տրամադրել: