Նեապոլում անցկացվել է մրցույթ, որում ընտրվել է աշխարհի լավագույն պիցցան, գրում է Корреспондент-ը։

Հաղթող պիցցայի հեղինակը 29-ամյա տեղաբնակ Դավիդե Չիվիտելոն է։ Նրան 8 տարվա ընթացքում առաջին անգամ հաջողվել է լավագույն պիցցայի տիտղոսը վերադարձնել իր հայրենիք։

Մրցույթում երկրորդ տեղը, որին մասնակցել է մոտ 500 մարդ՝ աշխարհի 47 երկրից, զբաղեցրել է Ճապոնիայի ներկայացուցիչը։

Երրորդը դարձել է մի իտալացի՝ Բրեշիայից։ Պիցցան պատրաստելու և ժյուրիին ներկայացնելու համար մասնակիցներն ունեցել են միայն 10 րոպե։

Հաղթողը պատմել է, որ պիցցա է պատրաստում 9 տարեկանից։ Առաջին փորձը եղել է իր հայրիկի ընկերոջը պատկանող պիցցերիայում։