Ռուսական bigpicture.ru կայքն ուշագրավ ֆոտոշարքի միջոցով ներկայացրել է այն 7 քաղաքները, որոնք, ըստ գիտնականների կանխատեսման, մինչ 2100թ. կարող են անհետանալ։

1. Սան Ֆրանցիսկո, ԱՄՆ, պատճառը՝ երկրաշարժ
Կալիֆորնիայի համալսարանի գիտնականները 75% ճշգրտությամբ կանխատեսում են, որ 2086թ. Սան Ֆրանցիսկոսյում տեղի կունենա 7 և ավելի բալ ուժգնությամբ երկրաշարժ, որի հետևանքով բնակչությունն արագորեն կտեղափոխվի այլ բնակավայր։

2. Դետրոյթ, ԱՄՆ, պատճառը՝ բնակչության արտահոսք
Դետրոյթի բնակչությունը 1950 թ. ի վեր կրճատվել է 950 հազար մարդով։ Ենթադրվում է, որ այս միտումը կպահպանվի նաև ապագայում, և մինչ դարի վերջը ամերիկյան քաղաքն անճանաչելի կդառնա։

3. Վենետիկ, Իտալիա, պատճառը՝ հողի մակարդակի իջեցումը
Ջրանցքների քաղաքը սկսել է իջնել անցած հազարամյակի ընթացքում, սակայն վերջին հարյուրամյակում այդ գործընթացն անհամեմատ արագացել է։ Վերջին 100 տարվա ընթացքում Վենետիկն իջել է 24 սմ-ով։

4. Մեխիկո, Մեքսիկա, պատճառը՝ խմելու ջրի պակասն ու գրունտային հողի իջեցումը
Մեխիկոն խորտակվում է. այն կանգնած է ջրատար շերտի վրա, որը նաև հանդիսանում է խմելու ջրի աղբյուր։ Ըստ հաշվարկների, քաղաքի տարբեր հատվածներն իջել են 9 մ-ով։ Բացի այդ խմելու ջրի պաշարները սպառվում են։

5. Նեապոլ, Իտալիա, պատճառը՝ հրաբխի ժայթքում
Վեզուվ հրաբուխը, որը վերացրել է Պոմպեյ քաղաքը 79 մ.թ.ա , ժայթքում է մոտավորապես հարյուր տարին մեկ։ Վերջին ժայթքումը եղել է 1944թ.։ Վեզուվին գտնվում է Նեապոլի ծովածոցում, ինչը նշանակում է, որ բնակիչները ստիպված կլինել տեղափոխվել քաղաքից՝ մահից խուսափելու համար։

6. Տիմբուկտու, Մալի, պատճառը՝ անապատացում
Այս խնդիրը կանգնած է Սահարայի հարավում գտնվող մի շարք երկրների առաջ։ Առավել մեծ վտանգը սպառնում է Մալիում գտնվող Տիմբուկտուին, որը 1000 տարվա պատություն ունի։ Իշխանությունները նախագծեր են իրականցնում քաղաքը կրկին կանաչապատելու համար, սակայն Տիմբուկտուի որոշ մասերն արդեն ծածկված են ավազով։

7. Իվանովո, Ռուսաստան, պատճառը՝ բնակչության արտահոսքը
Խորհրդային միության տարիներին տեքստիլի արտադրության կենտրոն հանդիսացող Իվանովո քաղաքը ներկայում ունի 448 հազար բնակչություն, որը գնալով քչանում է։ Կանանց թիվը գերազանցում է տղամարդկանց թվին, ծնելիությունն անկում է ապրում, իսկ մահացությունը՝ հակառակը՝ աճ։