Ապենինյան թերակղզուց հարավ գտնվող Սարդինիա կղզու Forte Village հանգստյան գոտում Բարբի տիկնիկի իրական չափերով տուն է կառուցվել, հայտնում է Euromag-ը:
Բարբիի տան բացումը տեղի է ունեցել օգոստոսի 1-ին: Այն իրենից ներկայացնում է իրական վարդագույն տուն՝ 70 քառ. մետր ընդհանուր մակերեսով: Այստեղ աղջիկները կարող են տեսնել և վայելել այն միջավայրը, որտեղ «բնակվում է» աշխարհի ամենահայտնի տիկնիկը: Հյուրերը կարող են նստել տիկնիկային աթոռների վրա, ուսումնասիրել Բարբիի նորաձև զգեստապահարանը և խաղալ բազմաթիվ խաղալիքներով, որոնք տրամադրել է Mattel ընկերությունը:
Բացի այդ, Բարբիի տունը հրավիրում է 5-8 տարեկան աղջիկներին' անվճար ուսանել Նորաձևության ակադեմիայում, որի գործունեությունը նվիրված է Բարբի տիկնիկի աշխարհին:
