PanARMENIAN.Net - Շուշիում մեկնարկեց BarCamp Արցախ 2013-ը: Սա Արցախում կազմակերպված 3-րդ BarCamp-ն է, նախորդ տարի արցախյան չկոնֆերանսը տեղի չունեցավ որոշ տեխնիկական խնդիրների պատճառով, սակայն այս տարի ավանդույթը վերականգնվեց: Ինչպես միջոցառման բացման ժամանակ ասաց Արցախի կրթական հիմնադրամի տնօրեն, BarCamp-ի կազմակերպիչներից Վլադիմիր Գրիգորյանը, ի սկզբանե նախատեսված էր այս տարվա BarCamp-ն անցկացնել բնության գրկում' վրաններում, սակայն Ղարաբաղ Տելեկոմից հայտնել են, որ չեն կարողանա մասնակիցներին ապահովվել ինտերնետով, ինչից հետո կազմակերպիչները որոշել են վերադառնալ հին ու բարի ավանդույթներին, որտեղ հանդիպման վայրը Շուշին է:
Այս տարի արցախյան BarCamp-ում մի քանի նորամուծություններ կան. նախ, այն ավելի երկար կտևի, քան նախորդ տարիներին, մասնակիցները իրենց նյութերը ներկայացնելու համար մեկ օր ավել ունեն: Երկրորդ նորամուծությունը խմբերի կրճատումն է: Եթե նախորդ տարի մասնակիցները 3-4 խմբերով էին աշխատում, այս տարի դրանք երկուսն են' ՏՏ և Մեդիա: Սա ըստ կազմակերպիչների' արվել է' հաշվի առնելով նախորդ տարիների առաջարկությունները, երբ մասնակիցները խնդրել են կրճատել խմբերը, քանի որ միաժամանակ 3 և ավել հետաքրքիր բանախոսություններ են լինում, որոնցից ստիպված են ընտրել մեկը:
BarCamp Արցախ 2013-ի մասնակիցներին, ինպես նախորդ տարիներին, այս տարի էլ ողջունելու էր եկել ԼՂՀ մշակույթի նախարարը: Նարինե Աղաբաբյանն իր խոսքում կարևորեց նման հավաքների կազմակերպումը' նշելով, որ դրանք նաև ճանաչողական բնույթ ունեն և հույս հայտնեց, որ այս տարվա BarCamp-ի մասնակիցները ևս նախարոդ տարվա մասնակիցների նման ակտիվ կլինեն և համացանցում կկիսվեն իրենց տպավորություններով. «Այն, ինչ կներկայացվի այստեղ, շատ օգտակար կլինի մեզ համար, մենք ձգտում ենք ծանոթանալ այն ժամանակակից գործիքներին, որոնցով կկարողանանք ճիշտ ներկայացնել Արցախը համացանցում: Ցավոք, այսօր վիրտուալ դաշտում մեր հարևաններն Արցախի մեկ այլ կերպար են ներկայացնում: Մենք պետք է համատեղենք ուժերը, որ ներկայացվի իրական Արցախը: Ես հույս ունեմ, որ այն, ինչ կտեսնեք այս օրերին, կհետաքրքրի ձեզ ու դուք կկիսվեք ձեր ընկերների հետ, ինչու չէ նաև կգրեք այդ մասին»:
Նախարարը նշեց, որ իր համոզմամբ' այս տարվա BarCamp-ի մասնակիցների համար ևս Արցախում ու Շուշիում շատ բացահայտումներ կլինեն:
Նշենք, որ BarCamp Արցախ 2013-ը կազմակերպելուն աջակցել է նաև ՀՀ սպորտի և երիտասարդության հարցերի նածարարությունը: Այ տարի չկոնֆերանսը երկու հատուկ հյու ունի'Արմեն Հայրյանը ԱՄՆ-ից և Գերթ Լոուրսենը'Դանիայից:
Հավելենք, որ BarCamp-ը միջոցառումներ կազմակերպելու նոր ձևաչափ է, որն առաջին անգամ կիրառվել է 2005 -ին ԱՄՆ-ում՝ Silicon Valley-ում, և հետո ստացել է լայն տարածում ամբողջ աշխարհում։ Սովորաբար Barcamp են անվանում Տեղեկատվական տեխնոլոգիաների, Ինտերնետի և Նոր մեդիաների թեմաներով չկոնֆերանսները։ Չկոնֆերանս, քանի որ միջոցառումն անցնում է ոչ ֆորմալ մթնոլորտում, որն ապահովում է բաց քննարկումներ և մտքերի ազատ փոխանակում։ Barcamp-ում չկան հատուկ հրավիրված բանախոսներ, մասնակիցներն իրենք և զեկույցներ են տալիս, և քննարկում դրանք։ Հակառակ ավանդական կոնֆերանսի՝ այստեղ օրակարգը ձևավորվում է մասնակիցների կողմից և վերջնական տեսք է ստանում միայն միջոցառման բացումից հետո. մասնակիցները սպիտակ թղթի վրա, ըստ ժամերի, դասավորում են իրենց զեկույցների թեմաները:
Վրանային չիրականացած պլաններ ու հադիպում Շուշիում. Մեկնարկեց BarCamp Արցախ 2013-ը
11:34 - 26.Հուլիս.2013
Առաջարկում ենք նաև
20/09/17 16:13
ԱՄՆ կոնգրեսականները ժամանել են Արցախ. նրանք եղել են Շուշիում
07/08/15 12:46
Համահայկական խաղերի մասնակիցները եղան Շուշիում. նրանց սիրտը հավերժ կապվեց Արցախ աշխարհի հետ
15/06/15 19:05
Միասին փորձելու ենք թշնամուն դուրս մղել մեդիադաշտից. ԼՂՀ-ում մեկնարկեց առաջին հայալեզու Aurora Արցախ ռադիոկայանի աշխատանքը
29/07/13 10:10
«Բարքեմփ Արցախ»-ի մասնակիցները հավաքվել են Շուշիում
27/02/24 10:00
«Երեք օր չզանգեմ, ուրեմն չկամ, փնտրեք ինձ». կրտսեր սերժանտ Դավիթ Շահնազարյանն անմահացել է նոյեմբերի 7-ին Շուշիում. «Փաստ»
17/02/24 08:45
«Հրապարակ». Արցախ վերադառնալու գործընթաց կա՞
15/11/23 13:30
2021 թ.-ին դեռ ունեինք Արցախ, դուք էլ հպարտ ասում էիք՝ գնալու ենք ինքնորոշումը պաշտպանելու
21/10/23 17:24
«Արցախի ձայնը հնարավոր չի լինելու խլացնել. չլինի Արցախ՝ չի լինի նաև Հայաստանի Հանրապետություն»
15/10/23 16:05
Ալիևն այցելել է օկուպացված Արցախ
13/10/23 15:20
Բոլորն են ցանկանում վերադառնալ Արցախ՝ ակնկալելով անվտանգության և իրավունքների ամուր երաշխիքներ
Ամենադիտված
Լրահոս
16:00
Միլիարդատեր Ջեֆ Բեզոսի հարսնացուն իր դեբյուտը նշեց Met Gala-ում՝ կատարելով Աննա Վինտուրի պայմանը
19:20
Լիզա Մորյակը՝ Սարիկ Անդրեասյանի հետ ամուսնության մասին. «Սեքսը ամուր հարաբերությունների հիմքն է»
12:20
Քիմ Քարդաշյանը Lo Máximo Awards 2024 մրցանակաբաշխությանը ներկայացել է «mob wife aesthetic» ոճում
16:30
24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան
15:00
«Դիսնեյլենդ» այցելելու համար Բիանկա Սենսորին ընտրել էր համեմատաբար համեստ հանդերձանք, սակայն հրաժարվել էր կոշիկներից
18:01
Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»
11:10
Քիմ Քարդաշյանն ու Բիանկա Սենսորին «ցնցել են» երկրպագուներին՝ միասին հայտնվելով հանրության առաջ