Ռուս հանդիսական Վալենտին Սեմյոնովը MUZ-TV-ի դեմ 24 մլն ռուբլու հայց է ներկայացրել հեռուստաալիքի երաժշտական մրցանակաբաշխությանը Ֆիլիպ Կիրկորովին և ռեփեր Դավային (Դավիթ Մանուկյան)՝ նորապսակների կերպարում ներկայացնելու համար։ Այս մասին ՏԱՍՍ-ին հայտնել են Մոսկվայի Բասմանյան դատարանի մամուլի ծառայությունից։

«Դատարանը ստացել է Սեմյոնովի հայցն ընդդեմ MUZ-TV-ի` անցյալ տարվա հունիսի 4-ին Կիրկորովի և Մանուկյանի մասնակցությամբ հեռարձակման պատճառով: Հայցով պահանջվում է 24 միլիոն ռուբլի»,- ասել է դատարանի ներկայացուցիչը: Այդ օրը հեռուստաալիքը ցուցադրել է «MUZ-TV մրցանակ 2020/2021» հեռարձակումը։ Միջոցառման ժամանակ Կիրկորովն ու Դավան ժամանել են նորապսակ զույգի կերպարանքով՝ կիսամերկ տղամարդկանց ուղեկցությամբ։

Մոսկվայի Բասմանի դատարանը նոյեմբերին MUZ-TV հեռուստաալիքին տուգանել էր 1 միլիոն ռուբլով՝ անչափահասների շրջանում համասեռամոլությունը քարոզելու համար։ Պատճառը մրցանակաբաշխության հեռարձակման ժամանակ հեռուստաալիքի եթերն էր՝ կապված ոչ ավանդական սեռական հարաբերությունները քարոզող նյութերի ցուցադրության հետ։ Այն ժամանակ  100 հազար ռուբլով տուգանվել էր նաև հեռուստաալիքի ծրագրերի տնօրեն Անդրեյ Ռազիգրաևը՝ համասեռամոլություն քարոզելու համար։ Դրանից հետո նա դադարեց աշխատել MUZ-TV-ում։