Ավստրալիայի հյուսիսային հատվածում հսկայական կոկորդիլոս են բռնել, որը մեծ մեքենայի չափերի է հասնում ։
«Զբոսաշրջիկները քայլում էին գետի երկայնքով , այն ուղղությամբ,որտեղ կոկորդիլոսն էր ,- պատմել է պրոֆեսիոնալ որսորդ Ջոն Բուրքը,- Ես հաստատ չէի ցանկանա նրան բախվել ձկնորսության ընթացքում»։
Սողունի երկարությունը 4,4 մետր է, իսկ քաշը՝ մոտ 350 կիլոգրամ ։ Ձկնորսները նշել են, որ սա այս տարվա ընթացքում ամենամեծ կոկորդիլոսն է, որ հանդիպել է Ավստրալիայի հյուսիսում։Քեթրին գետում մինչ այս որսացել են կոկորդիլոսներ, որոնց միջին երկարությունը եղել է 3,6 մետր։
Կոկորդիլոսին հանձնել են կոկորդիլոսաբուծարան: Հսկայական կենդանու այս տեսակն համարվում է ամենամեծ գիշատիչներից մեկն աշխարհում։ Արու կոկորդիլոսների չափերը կարող են հասնել մինչև 7 մետրի և կշռել շուրջ 2 տոննա։
Դրանք հանդիպում են Հնդկաստանի արևելյան ափերին, Հարավարևելյան Ասիայի շատ երկրներում, Պապուա Նոր Գվինեայում և Ավստրալիայի հյուսիսում:
