Պատկերացրեք, որ ձեր սիրտը վառելիքի բաք է: Դուք ձեր էներգիան, բենզինը տալիս եք զուգընկերոջը, բայց եթե նա փոխադարձ լիցքեր չի հաղորդում, ապա շուտով դուք կդատարկվեք, ձեզ մոտ այլեւս ոչինչ չի մնա՝ ո՛չ նրա, ո՛չ ձեզ համար։

Սովորաբար նման առատաձեռն մարդիկ ուշքի են գալիս միայն այն ժամանակ, երբ իրենց եռանդն ու լիցքերն արդեն զրոյի են հասնում, երբ հարաբերություններում արդեն չափազանց երկար ժամանակ բարդություններ կան, ու պայքարելու ուժ այլեւս չկա։ Այդ ժամանակ մարդը կա՛մ դեպրեսիայի մեջ է ընկնում, կա՛մ կողմնակի «լիցքավորում» փնտրում։

Մարկ Տվենն ասել է. «Երբեք որեւէ մեկին թույլ մի տվեք լինել ձեր առաջնայնությունը, բայց նաեւ ձեզ թույլ մի տվեք լինել որեւէ մեկի տարբերակը»։ Մի՛ վախեցեք սթափ գնահատել ձեր հարաբերությունները, թե ով որքան ներդրում ունի դրանց մեջ։ Հարցրեք ինքներդ ձեզ, թե ինչքան վառելիք եք տալիս, եւ որքան հաճախ են ձե՛զ վառելիք տալիս։

Իսկ  հետո ստուգեք մյուս նշանները, որոնք վկայում են, որ դուք կարող եք նրա համար ընդամենը տարբերակ լինել, այլ ոչ թե առաջնայնություն։ Ահա դրանք՝

Միշտ միայն դուք եք առաջարկում հանդիպել, այլ ոչ թե նա։

Երբ նրա հետ որեւէ կարեւոր բան է տեղի ունենում՝ լավ կամ վատ, դուք այդ մասին վերջինն եք իմանում։

Նա չի շտապում պատասխանել ձեր զանգերին ու հաղորդագրություններին։

Նա ձեզ իր ընկերուհին չի անվանում։

Նա հանգստյան օրերի կամ արձակուրդի ծրագրեր է կառուցում՝ առանց ձեզ հաշվի առնելու։

Դուք հաճախ եք լսում «ես» ու հազվադեպ՝ «մենք»։

Ձեր տեսակետը նրա համար ոչինչ չի նշանակում: