2020-ից մինչև 2024 թվականներն սպառնում են դառնալու աշխարհի մասշտաբով ամենաշոգ հնգամյակը դիտարկումների ամբողջ ընթացքում: Այդ մասին հունվարի 30-ին հայտնել Է Sky News հեռուստաալիքը՝ վկայակոչելով Մեծ Բրիտանիայի օդերևութաբանական ծառայության տվյալները։

Այսպես, փորձագետները կարծում են, որ այդ հինգ տարվա ընթացքում միջին ջերմաստիճաններն ըստ Ցելսիուսի 1,15 – 1,46 աստիճանով բարձր կլինեն, քան ջերմաստիճանները մարդկության մինչինդուստրիալ ժամանակաշրջանում: Միևնույն ժամանակ, հիշեցնում է Sky News-ը, նախորդ հինգ տարիները նույնպես համարվում են ամենաշոգ տարիները դիտարկումների սկսվելու պահից. ըստ Ցելսիուսի միջին հաշվով 1,09 աստիճանով բարձր են նախկին ցուցանիշներից:

Ըստ որում, նշում է հեռուստաալիքը, գիտնականները նախազգուշացնում են, որ աշխարհում ջերմաստիճանների աճն անհրաժեշտ է պահել ըստ Ցելսիուսի 1,5 աստիճանի՝ 2015 թվականի Փարիզի համաձայնագրում ամրագրված նորմայի սահմաններում, հաղորդել Է «Ինտերֆաքսը»: