2019-ին Disney կինոստուդիայի ժապավենները համաշխարհային վարձույթում հավաքել են ռեկորդային 10 միլիարդ դոլար: Այդ մասին հայտնում է The Hollywood Reporter-ը:
Ընկերությունը բացարձակ ռեկորդ է սահմանել՝ հոլիվուդյան ընկերությունների շրջանում դառնալով առաջինը, որ անցել է տարեկան 10 միլիարդ դոլարի սահմանը: Նշվում է, որ մինչև տարեվերջ մեծ էկրաններին կհայտնվի «Star Wars»-ի իններորդ էպիզոդը:
Ընկերության եկամուտների գրեթե մեկ երրորդը ստացվել է ԱՄՆ շուկայից: Դիսնեյը գերազանցել է 2016-ին սահմանած իր սեփական ռեկորդը: Այն ժամանակ ընկերությունը վաստակել էր 7,6 միլիարդ դոլար:
