Յութայում 5-ամյա աղջիկն ընկել է ատամի խոզանակը բերանում, որը ծակել է նրա կոկորդը։ Ինչպես տեղեկացնում է Fox News-ը, աղջկա հայրը՝ Միթչել Գրավենմիերը, ասել է, որ նա խոսում էր կնոջ հետ, երբ լսել է աղջկա ճիչը։

«Ես մի վայրկյան շրջվեցի, որպեսզի խոսեմ կնոջս հետ, եւ Սելեստան ընկավ։ Նա ոտքի կանգնեց ճչալով, ես նայեցի նրա բերանի մեջ եւ մի քիչ արյուն տեսա», ասել է Գրավենմիերը։

Սկզբում նա կարծել է, թե աղջիկը շրթունքն է կծել, բայց ավելի ուշ նրա կոկորդի խորքում անցք է տեսել։ Նա աղջկան տարել է հիվանդանոց, որտեղ նրան անհապաղ վիրահատել են, որպեսզի փակեն վերքը։

«Նա կարող է խոսելու հետ կապված մշտական խնդիրներ ունենալ, եւ հետագայում կարող է նորից վիրահատությունների կարիք ունենալ»,- ասել է Գրավենմիերը։

Լուսանկարը՝ Kennedy News & Media