19-ամյա Օլի Լոնդոնը լոնդոնցի է: Նա 15 անգամ պլաստիկ վիրահատության է ենթարկվել իր սիրելի կորեական BTS փոփ խմբի մասնակիցներից մեկին նմանվելու համար: Իր երազանքին հասնելու համար Օլին 125 հազար ֆունտ է ծախսել:
Երիտասարդն այնքան է պաշտում կորեական BTS խումբը, որ շատերը նրա այդ տարվածությունն անառողջ են համարում: Նրա համար բավարար չէր խմբի ալբոմներն ու գովազդային պաստառներն ունենալը. Օլի նպատակը խմբի մասնակիցներից Ջիմինին նմանվելն էր:
Նա խոստովանել է, որ ոչ բոլորն են հասկանում և ընդունում նրա արտաքին տեսքի փոփոխությունները: Բայց, չնայած ամենին, տղան տխրելու որևէ պատճառ չի տեսնում. նա գնում է իր երազանքի հետևից, և դա նրան երջանկացնում է:
