Պահպանեք այս կայքերի հղումները և միշտ կարող եք հագեցնել գիտելիքի ծարավը:

Օտար լեզուներ

  1. Duolingo

Duolingo-ում կրթությունը տեղի է ունենում զվարճալի խաղի ձևով: Դուք պետք է ճիշտ գուշակեք բառերը, արտասանեք նախադասությունները և կատարեք առաջադրանքներ ճիշտ ժամանակում:

Ծառայությունը վերահսկում է, թե ինչպես եք կլանում տեղեկատվությունը, և այդ տվյալների օգնությամբ  ստեղծում է անհատական ծրագիր: Կայքն անվճար է, բայց գումարի դիմաց կարող եք դրանից հեռացնել գովազդները:

  1. Memrise

Հարթակ, որը հնարավորություն է տալիս սովորել տասնյակ լեզուներ՝ օգտագործելով ինտերակտիվ առաջադրանքներ և հարյուրավոր դասընթացներ տարբեր թեմաների վերաբերյալ (արվեստ, գիտություն, կարիերա, ժամանց և այլն):

Ի թիվս այլ բաների, Memrise-ն օգտագործում է վիդեո երկխոսություններ, որոնցում անհրաժեշտ է ընտրել ճիշտ պատասխանները: Ցանկության դեպքում դուք կարող եք ինքներդ ստեղծել դասընթաց, որպեսզի մյուսներն օգտագործեն այն:

  1. Busuu

Busuu-ն առանձնանում է նրանով, որ նեյրոնային ցանցերի միջոցով այն ստեղծում է յուրաքանչյուր օգտատիրոջ համար անհատական վերապատրաստման ծրագիր: Դուք կարող եք ոչ միայն առաջադրանքներ լրացնել, այլև արձագանքներ ստանալ դրանց մասին լեզուն կրողներից:

  1. LinguaLeo

Ծառայություն`անգլերեն սովորելու համար: Այն տրամադրում է ոչ միայն ինտերակտիվ առաջադրանքներ, այլև նյութեր, որոնք օգնում են անգիր անել բառերն ու արտահայտությունները  ֆիլմերի, podcast-ների, հոդվածների միջոցով: Դրանցից ոմանք ունեն ինտերակտիվ սուբտիտրեր:

  1. Babbel

Կայք, որը թույլ է տալիս սովորել լեզուն՝ օգտագործելով ինտերակտիվ երկխոսություններ և խոսքի ճանաչման համակարգ: Ծառայությունը ստեղծում է ինչ-որ իրավիճակ, այնուհետև որոշում է, թե դուք ճի՞շտ եք խոսում, թե ոչ: Սովորված բառերը այնուհետև կարող են համախմբվել լրացուցիչ դասերի միջոցով, որտեղ դրանք տեղադրվում են նոր համատեքստում:

  1. FluentU

FluentU-ն օգտատիրոջը դնում է լեզվական միջավայրում՝ առաջարկելով նրան հազարավոր տեսանյութեր ընտրված լեզվով: Յուրաքանչյուր տեսանյութ ունի ենթավերնագիր, որի վրա կարող եք սեղմել՝ թարգմանությունը տեսնելու համար:

Առաջին երկու շաբաթը կարող եք օգտագործել ծառայությունը անվճար, իսկ հետո`ամսական 30 դոլարով:

  1. MosaLingua

MosaLingua-ի հիմնական նպատակն է օգնել ձեզ սովորել բառեր և արտահայտություններ: Կայքը դրա համար օգտագործում է հատուկ մեթոդ, որը ստեղծվել է գիտական հետազոտությունների հիման վրա: Նոր լեզվական միավորները հիշվում են արագ, բայց երկար ժամանակով:

Ծառայության մեջ ներմուծվում է նաև հատուկ համակարգ, որը հաշվարկում է, թե որքան հաճախ է պետք կրկնել ձեր սովորածը և ինչ ծավալով:

  1. The Mixxer

Զրուցակիցների որոնման հարթակ, որը մշակվել է Ամերիկայի Դիքինսոն քոլեջի կողմից: Լեզուն կրողի հետ խոսելը ձեր հմտությունները թարմացնելու շատ արդյունավետ միջոց է: Սոցցանցում գրանցված են հազարավոր մարդիկ, ովքեր խոսում են տասնյակ լեզուներով: Նաև կայքում կան անվճար դասեր՝ վերցված տարբեր համալսարաններից:

  1. Italki

Italki-ն թույլ է տալիս ուսուցիչ գտնել օտար լեզվով անձնական դասերի համար կամ դառնալ ուսուցիչ: Կայքն ունի հազարավոր ուսուցիչներ`ցանկացած մակարդակի և արժեքի: Կրթությունը իրականցվում է օրական կտրվածքով, և դրա համար անհրաժեշտ է միայն բարձրախոս և վեբ-տեսախցիկ:

  1. Speaky

Սոցիալական ցանց`լեզուն կրողներ գտնելու և նրանց հետ շփվելու համար: Կարող եք շփվել տեքստային զրույցի միջոցով, կամ զանգահարել աուդիո կամ վիդեո տարբերակով: Կայքը կառուցվածքով շատ պարզ է:

Երաժշտություն

  1. Learning Music

Ableton-ը ինտերակտիվ դասընթաց է, որը արտադրում է ծրագրեր, plugin և ծրագրային ապահովումներ՝ երաժշտություն ստեղծելու և նվագելու համար: Հարմար է նրանց համար, ովքեր ցանկանում են սովորել, թե ինչպես ստեղծել երաժշտություն համակարգչում, բայց չգիտեն որտեղից սկսել: Կայքը բացատրում է մեղեդիների և ռիթմերի կառուցման հիմունքները:

  1. Lightnote

Կայք, որը թույլ է տալիս սովորել երաժշտության տեսության հիմունքները: Դրա շնորհիվ դուք կսովորեք, թե ինչպես է ձայնը դասավորվում, ինչ է ներդաշնակությունը, ինչպիսի ակորդներ կան և այլն:

  1. MusicTheory

Լայնածավալ նախագիծ, որը ներառում է ոչ միայն տասնյակ դասեր երաժշտության տեսության և երաժշտության ընթերցանության մասին, այլև վարժություններ`ձեր լսողությունը մշակելու և գիտելիքների ամրապնդման համար:

Ծրագրավորում

  1. GeekBrains

Այս հարթակն ունի գրեթե այն ամենը, ինչ կարող է անհրաժեշտ ծրագրավորում սովորողներին՝ առցանց դասեր, դասընթացներ, վեբինարներ, ֆորումներ, գիտելիքները ստուգելու թեստեր, անգամ թափուր աշխատատեղերի ցուցակ:

Կայքը ընդգրկում է այնպիսի թեմաներ, ինչպիսիք են վեբ զարգացումը, բջջային ծրագրերի և խաղերի ստեղծումը, ծրագրավորումը՝ Python-ով, Java-ով և այլ լեզուներով:

  1. Hexlet

Ծրագրավորման տարբեր լեզուներ սովորելու դասընթացների կայք: Դուք ստանում եք անվճար մուտք նրանցից 13-ին և համայնքին, իսկ գումարի դիմաց կարող եք ստանալ ևս 50 դասընթաց և ուսուցիչների աջակցություն:

Hexlet-ը հնարավորություն է տալիս սովորել ծրագրավորում հետևյոլ ոլորտներում՝ Ruby, Python, PHP, JavaScript, Java, Shell (Utils), HTML & CSS և Racket:

  1. Яндекс.Практикум

Yandex առցանց դպրոցը, որտեղ դուք կարող եք սովորել ծրագրավորման հիմունքները: Օգտատերերը ստանում են կիրառական հմտություններ և ուսուցիչների աջակցություն, ինչպես նաև պրակտիկայում ստեղծում են ծրագրեր և կայքեր: Առաջին 20 ժամը կարելի է անվճար սովորել, իսկ ամբողջ դասընթացն արժե 60-ից 90 հազար ռուբլի:

  1. The Odin Project

Վեբ ծրագրավորման դասավանդման կայք: Այստեղ կգտնեք մի քանի դասընթացներ ՝ սկսնակից մինչև փորձառուների համար: Կայքում կա նաև մանագիտացված համայնք, որը պատրաստ է օգնել սկսնակներին: Կարող եք սովորել Ruby on Rails, Node.js, HTML և CSS, Javascript, տվյալների բազաներ և  թե ինչպես աշխատանք փնտրել ՏՏ ոլորտում:

  1. SoloLearn

SoloLearn ստարտափն ամենամեծ հարթակներից է, որի նպատակն է՝ սովորեցնել ծրագրավորում և ներկայացնել՝ ինչպես աշխատել կոդերի հետ:

Հայ-ամերիկյան ստարտափն ունի արդեն 5 միլիոն օգտատեր, ստարտափի միջոցով ամեն օր լուծվում է 1.5 միլիոն խնդիր: Ստարտափում ամեն վայրկյանում 3 կոդ է գրվում, ինչպես նաև ամեն օր հրապարակվում է 1000 պատասխան:

  1. Thinkful

Հարթակն ուշադրությունը կենտրոնացնում է տվյալների և համակարգչային տեխնիկայի ոլորտում դասընթացների վրա: Յուրաքանչյուր օգտատեր ունի անձնական ուսուցիչ` իր ոլորտում ճանաչված մասնագետ: Դուք չեք կարող վճարել որոշ դասընթացների համար, քանի դեռ չեք գտել աշխատանք:

  1. Pluralsight

Հարթակ,  որտեղ կարող եք գտենլ դասընթացներ հետևյալ թեմաներով՝ ծրագրերի ստեղծում, համակարգի կառավարում, տեղեկատվական անվտանգություն, ձևավորում, վեբ զարգացում, տվյալների բազաներ:

Pluralsight-ը թույլ է տալիս բացահայտել ձեր թույլ կողմերը և զարգացնել դրանք, այնուհետև տեսնել ձեր առաջընթացը ձեռքբերումների առաջադեմ համակարգով:

  1. Udacity

Udacity-ն առաջարկում է բազմաթիվ վերապատրաստման ծրագրեր, որոնցից յուրաքանչյուրը վարում է ոլորտի մասնագետը:

Ուղղություններն այստեղ շատ հեռանկարային են`ամպային տեխնոլոգիաներ, մեքենայական ուսուցում և տվյալների վերլուծություն: Ձեզ հետ կզբաղվեն մենթորները, իսկ դասընթացի ավարտին նրանք նաև կօգնեն ձեզ աշխատանք գտնել:

  1. Codecademy

Այս ծառայությունը պարունակում է ինտերակտիվ դասընթացներ տասնյակ թեմաների շուրջ՝վեբ ծրագրավորում, նեյրոնային ցանցեր, խաղերի մշակում, համակարգչային գիտություն, համակարգչային մոդելավորում, բլոկչեյն: Դուք կարող եք գրել կոդը հենց հավելվածում և այն կստուգվի հեռավոր սերվերների վրա:

  1. FreeCodeCamp

Ռեսուրս՝ CSS, HTML, Javascript և ծրագրեր սովորելու համար, որոնք օգտակար են կայքեր ստեղծելու համար: Ավարտելուց հետո տրվում են վկայականներ:

  1. Treehouse

Treehouse-ը թույլ է տալիս ձեզ ընտրել դասընթաց տասնյակ ոլորտներում՝ PHP, UX, Javascript,  ինտերֆեյսի ստեղծում և այլն: Ամսական 199 դոլարով ուսանողին կօգնեն նաև կազմել պորտֆոլիո և աշխատանք գտնել:

Մտահորիզոնի ընդլայնում

  1. Theory&Practice

Այստեղ հավաքված են ինքնակրթության հարյուրավոր ռեսուրսներ: Դասընթացներ՝ նոր հմտություններ և գիտելիքներ ստանալու համար, օգտակար տեսանյութեր, դրամաշնորհներ, հոդվածներ և իրադարձություններ, ինչպիսիք են դասախոսությունները և սեմինարները: Թեմաները տարբեր են՝ սկսած փիլիսոփայությունից և արվեստի պատմությունից մինչև ծրագրավորում և ձեռներեցություն:

  1. Универсариум

Էլեկտրոնային կրթության համակարգ, որը հնարավորություն է տալիս ուսանողներին անվճար սովորել լավագույն ուսուցիչներից: Դասընթացները բաղկացած են վիդեո դասախոսություններից, տնային աշխատանքներից և թեստերից: Դուք կարող եք, օրինակ, սովորել, թե ինչպես է աշխատում որոնիչների օպտիմիզացումը, ինչպես պատրաստել ձեր առաջին ֆիլմը, ինչպես ղեկավարել անձնական ֆինանսները և հարյուրավոր այլ բաներ:

  1. Stepik

Հաթակը առաջարկում է բազմաթիվ դասընթացներ՝ ռուսերեն և անգլերեն լեզուներով և տարբեր թեմաներով՝ տեխնոլոգիաներից մինչև արվեստ: Այստեղ դուք կարող եք կա՛մ սովորել նոր հմտություն, կա՛մ պարզապես մի հետաքրքիր բան սովորել, օրինակ՝ պատմության կամ փիլիսոփայության ոլորտից:

  1. Открытое образование

Հարյուրավոր անվճար դասընթացներ Ռուսաստանի առաջատար համալսարաններից: Ֆիզիկա, հոգեբանություն, բարձր տեխնոլոգիաներ, արվեստի պատմություն, մշակութային ուսումնասիրություններ, բանասիրություն և շատ այլ առարկաներ:

  1. Лекториум

Հարթակ, որտեղ հավաքագրված են հարյուրավոր դասախոսություններ՝տարբեր թեաներով: Ծրագրեր կան ինչպես դպրոցականների, այնպես էլ մեծահասակների համար: Օրինակ, դուք կարող եք սովորել, թե ինչպես ստեղծել ձեր սեփական հոբբի ակումբը, պատրաստվել մաթեմատիկայի օլիմպիադային կամ սովորել cryptocurrency և blockchain:

  1. Udemy

Օգտատերերի կոմմից ավելացված  տասնյակ հազարավոր դասընթացների կայք: Կան նաև ռուսերեն դասախոսություններ, բայց վերապատրաստման ծրագրերի մեծ մասը անգլերեն է: Թեմաները շատ բազմազան են՝ երաժշտությունից և դիզայնից մինչև ռոբոտներ և հաշվապահություն: Դասընթացների տևողությունը միջինը երկուսից ութ ժամ է:

  1. edX

Այստեղ դուք կարող եք գտնել հազարավոր առցանց դասընթացներ աշխարհի տարբեր համալսարաններից: Հարվարդում կամ Մասաչուսեթսի տեխնոլոգիական ինստիտուտում ուսանող զգալու հիանալի միջոց: Դուք կարող եք սովորել ցանկացած գիտություններ`փիլիսոփայություն, լոգիստիկա, ծրագրավորում, քաղաքագիտություն, արվեստի պատմություն և այլն:

  1. Coursera

Թեմաների լայն տեսականի ունեցող դասընթացների ամենամեծ հարթակներից մեկը: Այստեղ դուք կարող եք որևէ նոր բան սովորել, բայց ցանկության դեպքում կարող եք նաև օտարերկրյա համալսարանից որակավորում ստանալ՝ առանց ձեր տանից դուրս գալու:

  1. Highbrow

Highbrow-ն առաջարկում է տասնյակ դասընթացներ` կապված արտադրողականության բարելավման և ձեր մտածելակերպի փոփոխության հետ: Դուք ուղղություն եք ընտրում, և ամեն առավոտ ձեր փոստին ուղարկվում է դաս, որը կարող եք կարդալ մի քանի րոպեում: Աստիճանաբար, դուք ծանոթանում եք ձեզ հետաքրքրող թեմաներին կամ բարելավում եք ձեր հմտությունները:

  1. Skillshare

Տասնյակ հազարավոր վիդեո դասընթացներ տարբեր թեմաների վերաբերյալ` լուսանկարչություն, SEO-ի օպտիմիզացում, մարքեթինգ, գաղափարի ստեղծում և այլն: Շատ օգտակար է նրանց համար, ովքեր վաստակում են բովանդակություն ստեղծելով:

  1. Curious

Առցանց դասեր` անսովոր հայեցակարգով: Դուք նշում եք, թե որ ոլորտներն են ձեզ հետաքրքրում, և համակարգը ընտրում է ձեզ համար առավել օգտակար դասերը: Նրանց թիվը տատանվում է կախված այն բանից, թե որքան ժամանակ եք պատրաստ տրամադրել ամեն օր:

  1. TedEd

Մի շարք կրթական տեսանյութեր՝ տարբեր թեմաներով: Ինչպե՞ս առաջացավ կախարդների որսը: Հնարավո՞ր է սև անցք ոչնչացնել: Ինչպե՞ս են «տեսնում» անօդաչու սարքերը: Այս և հարյուրավոր այլ հարցերի պատասխանները տրված են արտահայտիչ անիմացիոն տեսանյութերում և բանախոսների հետաքրքրաշարժ պատմություններում:

  1. HowStuffWorks

Կայք, որում կա մոլորակի ամենահետաքրքիր իրերի մասին տեսանյութեր:Հեղինակները պատմում են, թե որտեղից է ծագել Illuminati առասպելը, ինչպես են նրանք հորինել բժշկական մեքենաներ կամ ինչ է պատահում մարմնի հետ՝ շատ բարձր տեղից ցատկեուց հետո:

  1. Instructables

Այս կայքը պարունակում է մեթոդներ՝ տարբեր սարքերի ստեղծման, սարքավորումների վերանորոգման, խոհարարության, շինարարության և այլնի համար: Հատկապես օգտակար կլինի նրանց համար, ովքեր սիրում են աշխատել սեփական ձեռքերով:

Սիրարփի Աղաբաբյան