Ամերիկացի մոդել Հայդի Քլումը և գերմանացի երաժիշտ Թոմ Քաուլիցն իրենց հարսանեկան արարողությունը կազմակերպել են Իտալիայում՝ Christina O զբոսանավի վրա, որը նախկինում պատկանել է ԱՄՆ նախկին առաջին տիկին Ժակլին Քենեդիին և ձեռներեց Արիստոտել Օնասիսին, հաղորդում է People-ը:
Արարողությանը ներկա են եղել միայն զույգի հարազատներն ու մոտ ընկերները: Հարսանիքի վարողը եղել է փեսացուի երկվորյակ եղբայր, Tokio Hotel խմբի մենակատար Բիլ Քաուլիցը:
Նշվում է, որ Հայդին հարսանիքի համար ընտրել է ծավալուն իջեցված թևերով և ծաղկային ասեղնագործությամբ զգեստ: Թոմը կրել է սպիտակ կոստյում և երկնագույն վերնաշապիկ:
Պարբերականի տվյալներով, զույգը պաշտոնապես գրանցել է իրենց հարաբերությունները 2019-ի ձմռանը, բայց տոնակատարությունը տեղի է ունեցել միայն օգոստոսին:
