Համեղ և օրգինալ տորթի գաղտնիքը միշտ գտնվում է կրեմի մեջ։ Այս կրեմն այնքան համեղ է, որ կարող եք պարզապես քսել հացին և ուտել։

Բաղադրամասեր

4 բաժակ կաթ,

2 բաժակ շաքարավազ,

4 հատ ձու,

4 ճ/գ ալյուր,

400 գ կարագ,

վանիլին:

Պատրաստման եղանակը

Կարագը թողնել փափկելու սենյակային ջերմաստիճանում:

Կաթն ու շաքարավազը լցնել կաթսայի մեջ, դնել մարմանդ կրակին: Անընդհատ խառնել, մինչև շաքարավազը խառնվի, լուծվի կաթին:

Առանձին թասիկի մեջ կոտրել ձվերը, հարել, ավելացնել երկու գդալ ալյուրը:

Խառնել այնքան, մինչև ոչ մի գնդիկ չմնա:

Տաք կաթից մի փոքր լցնել ձվի զանգվածի վրա, արագ խառնել:

Երբ համասեռ զանգված ստացվի, լցնել կաթի մեջ և արագ շարժումներով խառնել: Երբ կրեմը բավականաչափ թանձրանա, վերցնել կրակից:

Թողնել՝ սառչի, իսկ մինչև այդ հարել կարագը:

Հարած կարագին գդալ-գդալ ավելացնել կաթով եփված կրեմը, վերջում մի քիչ վանիլին ավելացնել:

Խառնել, քսել խմորին կամ մատուցել թխվածքաբլիթների հետ։