«Էսթետիկ ազատություն`այսպես է բնորոշում Թամարա Գեւորգյանն իր եւ լուսանկարիչ Արվին Քոչարյանի համատեղ աշխատանքը:

Դերասանուհին նոր ֆոտոշարք ունի, որի առաջարկն Արվինից դեռ մի քանի տարի առաջ էր ստացել: Ինչ-ինչ պատճառներով չէր ստացվում համագործակցությունը: Վերջապես կարողացան իրականացնել այն: Թե՛ իր, թե՛ լուսանկարչի գերխնդիրն էր ստանալ այնպիսի ֆոտոշարք, ինչպիսին դերասանուհին չէր ունեցել, նրան ներկայացնել այն ռակուրսից, որից դեռ երբեք չի ներկայացել: Հիմնական շեշտը դրվել է Թամարայի վրա` տվյալ պահին որպես մոդելի:

Թամարան համամիտ է «Քո ազատությունն ավարտվում է այնտեղ, որտեղ սկսվում է դիմացինի ազատությունը» հայտնի ասացվածքի հետ: Տեսախցիկի կամ ֆոտոխցիկի առջեւ ազատությունն իր համար այն է, ինչը կարող են էսթետիկա,արվեստ անվանել: Դրանց մեջ է տեսնում ազատությունը: