Թվիթերում նոր հիթ է դարձել տեսանյութը, որտեղ մատադորը սրբում է ցլի արցունքները նախքան նրան սպանելը: Տեսանյութը միայն թվիթերյան հարթակում դիտել են ավելի քան 2.5 միլլիոն անգամ:

Իսպանացի 39-ամյա մատադոր Մորանտե դե լա Պուեբլան մասնակցում էր Սեվիլիայում տեղի ունեցող ցլամարտի հերթական փառատոնին:

Տեսանյութում երևում է, որ մինչև վերջնական մահացու հարվածը՝  ցլի մեջքում արդեն իսկ կային 4 ցցված բանդիլլաներ:

Կանխազգալով իր մոտալուտ մահը՝  արյունոտված ցլի աչքերից արցունքներ են հոսել: Որպես կենդանու նկատմամբ հարգանքի նշան՝ մատադորը թաշկինակով մաքել է ցլի արցունքները:

Տեսանյութը քննադատությունների մեծ ալիք է բարձրացրել համացանցում, իսկ Իսպանիայի կենդանիների պաշտպանությամբ զբաղվող կազմակերպությունները կրկին բողոքի մեծ ալիք են բարձրացրել ցլամարտերի դեմ:

 

 

Նյութը պատրաստեց Mediamall.am-ը