Հարութ Փամբուկչյանը, ում երգերի ներքո մի ամբողջ սերունդ է մեծացել, այս օրերին Երեւանում է: Մայիսի 20-ին Մարզահամերգային համալիրում տեղի կունենա ամերիկաբնակ երգչի մենահամերգը: Հնչելու են ինչպես սիրված, այնպես էլ նոր երգեր: Մինչ այդ BRAVO.am-ը հանդիպել, զրուցել եւ լուսանկարել է ՀՀ վաստակավոր արտիստին:

Նա ծնվել եւ մեծացել է Երեւանում՝ Նոր Արեշ թաղամասում: Մանկության ու պատանեկության հետ կապված վառ հուշեր ունի.«Եթե հնարավորություն լիներ կրկին ծնվել, կուզեի նույն մանկությունն ու երիտասարդությունն ունենալ: Մենք շատ լավ էինք ապրում. ես ոչ մի բանի կարիք չեմ ունեցել: Ժամանակներն այլ էին, բայց հրաշալի ժամանակներ էին»:

Մասնագիտությամբ նկարիչ-քանդակագործ Հարութ Փամբուկչյանը վաղ հասակից փորձել է երաժշտական տարբեր գործիքներ նվագել.«Այդ տարիներին նորաձեւ էր ակորդեոնը, ծնողներիս խնդրեցի ինձ համար էլ գնել: Բայց քանի որ ամեն ինչ սուղ էր, ինձ համար կիթառ գնեցին: Այդպես էլ կիթառը կապեց ինձ երգի եւ երաժշտության հետ»: Նա առաջին անգամ ձախ ձեռքով է սկսում կիթառ նվագել, հենց այդ օրվանից էլ ընկերները նրան Ձախ Հարութ են կոչում:

Նյութն ամբողջությամբ՝ սկզբնաղբյուր կայքում։