«Դետք» խմբի երեք անդամներն այժմ ծառայում են բանակում՝ Արցախում։ Խմբի տղաներից Վահան Կիրակոսյանն ու Վահան Մելքումյանը ավելի շուտ են մեկնել ծառայության, իսկ Արմանը՝ Տիգրան Պետրոսյանի տղան, նրանց միացել է օրեր առաջ։ Արմանին ծառայության են ճանապարհել հենց բեմից, երբ Օպերային թատրոնում հունվարի 28-ին կազմակերպվել էր ՀՀ զինված ուժերի հոբելյանին նվիրված համերգը։ Պաշտպանության նախարար Վիգեն Սարգսյանը բարի ու անփորձանք ծառայություն է մաղթել զորակոչիկ Արման Պետրոսյանին՝ հիշեցնելով, որ չմոռանա մազերը կտրել։):
«Դետք» խմբի պրոդյուսեր Արման Ամպը BRAVO.am-ի պատմել է, թե ինչպես են այդ օրը երեքը միասին ելույթ ունեցել.«Գործող խումբ է, եւ ծառայության ընթացքում ժամանակ առ ժամանակ թույլտվություն են ստանում, որ կարեւոր միջոցառումներին մասնակցեն, իսկ հայոց բանակի 25-ամյակը կարեւոր առիթ էր։ Տղաներին 10-օրյա ժամկետով ուղարկեցին արձակուրդ, որ փորձերին մասնակցեն։ Արմանն էլ արդեն մեկնել է ծառայության՝ կրկին Արցախ։ Այժմ տարբեր վայրերում են՝ Մատաղիսում, «Եղնիկներ» զորամասում եւ Ստեփանակերտում»։
Նյութն ամբողջությամբ` սկզբնաղբյուր կայքում:
