Գրեթե յուրաքանչյուր երեկո մեզանից շատերը ստիպված են քնելուց առաջ միացնել զարթուցիչը: Հավանաբար, շատերն են անկողնուց դուրս գալիս երազում հենց այդ պահին կրկին այնտեղ վերադառնալու մասին:

Համենայնդեպս, շատերի համար առավոտյան վաղ արթնանալը լուրջ խնդիր է: Մենք կիսափակ աչքերով գնում ենք լոգարան, լոգանք ընդունում, իսկ հետո անմիջապես սուրճ ենք պատրաստում: Չէ՞ որ միայն այդպես կարելի է վերադարձնել մտածելու կարողությունը:

Այսպիսով, ինչո՞ւ, այնուամենայնիվ, առավոտն արժե սկսել սուրճով:

Պատճառ 1
Իսրայելացի գիտնականները անցկացրել են մի շարք հոտազոտություններ: Համաձայն դրանց՝ սուրճը էներգիայի հիանալի աղբյուր է և դրական է անդրադառնում առողջության վրա: Բնականաբար, խոսքը սուրճի չափավոր քանակի մասին է:

Պատճառ 2
Թարմ պատրաստված սուրճը կարող է լայնացնել արյունատար անոթները, մեծացնել մկանների աշխատունակությունը, ինչպես նաև' ուժեղացնել արյան հոսքը դեպի գլխուղեղ: Այդ է պատճառը, որ գիտնականները խորհուրդ են տալիս գլխացավի ժամանակ խմել մի բաժակ սուրճ, քանի որ ցավային զգացողությունները զգալիորեն թուլանում կամ բոլորովին անհետանում:

Պատճառ 3
Հարկ է նշել, որ դառը սուրճը կարող է զգալիորեն նվազեցնել շաքարային դիաբետի առաջացման հավանականությունը: Այդ պատճառով առավոտյան մի քանի գդալ սուրճը չի վնասի նույնիսկ երեխաներին: Չնայած հավանականան է, որ Դուք դժվար թե կարողանաք ստիպել երեխային խմել այդ դառը հեղուկը:

Պատճառ 4
Անկասկած, սուրճի կարևորագույն առանձնահատկություններից է նաև համը և բույրը: Այն հուզում է, գրգռում և առաջացնում է անկրկնելի զգացողություններ: Ի դեպ, սուրճի սիրահարները խորհուրդ են տալիս սուրճ խմելուց առաջ ըմպել մի կում սառը ջուր և հետո միայն սուրճ: Այդպիսով, սուրճի համը առավել լավ է զգացվում, իսկ խմելուց հետո ավելի երկար է պահպանվում:

Պատճառ 5
Սուրճը պարունակում է մեծ քանակությամբ հակաօքսիդանտներ, որոնք դանդաղեցնում են օրգանիզմի ծերացումը: Այդպիսով, Դուք ամեն առավոտ ստանում եք առույգության և գեղեցկության լիցքեր:

Հարկ է նշել, որ առողջությանը վնաս չպատճառելու համար խորհուրդ է տրվում սուրճը խմել առանց շաքարավազի, քանի որ սուրճի մեջ առկա շաքարն անմիջապես անցնում է արյան մեջ: