Wnews.am-ը շարունակում է ներկայացնել հայ հայտնիների՝ շաբաթվա ստացված և չստացված կերպարները: Հաշվի առնելով, որ նրանցից յուրաքանչյուրը հետևորդների մեծ թիվ ունի և, փաստացի, նրանց շրջանում ձևավորում ու թելադրում է ճաշակ, մենք կարծում ենք, որ հայտնիները պետք է առավել ուշադիր լինեն իրենց կերպարներն ընտրելիս: Հայ հայտնիներին մաղթում ենք կամ հումորի զգացում, որպեսզի մեր տեքստերին հումորով վերաբերեն կամ էլ ճաշակի զգացում, որպեսզի չհայտնվեն մեր չստացված կերպարների շարքում: Եվ այսպես.
Ստացված կերպարներ
Արփի Գաբրիելյան
Երեկ ԱՄՆ-ում կայացել է Pan Armenian Entertainment Awards-ը, որում Արփի Գաբրիելյանի ու Միհրան Ծառուկյանի « Անհնար է» դուետը արժանացել է “Տարվա ամենադիտված և սիրված երաժշտական պրոեկտ” մրցանակը։ Մրցանակաբաշխությանը Արփին ներկայացել է երկու զգեստով, որոնցից մեկը չափազանց գեղեցիկ է ՝ նուրբ ՝ հետաքրքիր դեկոլտեով: Մենք Արփինեի վարդագույն զգեստին ասում ենք Այո, իսկ երկրորդի մասին կխոսենք ստորև:
Իվետա Մուկուչյան
Նույն մրցանակաբաշխությանը սուպերսեքսուալ կերպարով ներկայացել է Իվետա Մուկուչյանը: Իվետային այնքան են դուր եկել իր եվրատեսիլյան բոդիները, որ նա չի բաժանվում դրանցից նաև հիմա: Դե ինչ, նա կարող է դա իրեն թույլ տալ: Մենք ասում ենք` Այո:
Սիրուշո
Հայուհիների երազանքների “մեջքը բաց շորը ” Սիրուշոյին շատ է սազում: Սիրուշոն իսկական մոտիվացիա է այն երիտասարդ մայրիկների համար, ովքեր ծննդաբերությունից հետո պայքարում են կառուցվածքը վերականգնելու համար: Երգչուհին անթերի տեսք ունի և իդեալական կառուցվածք: Մենք Սիրուշոյի Michael Costello զգեստին ասում ենք Այո:
Դիանա Մալենկո
Մալենկոյի ա-լյա Մերլին Մոնրո կերպարին մենք ասում ենք Այո: Սեքսուալ դեկոլտե, ձեռնոցներ և մարգարտյա շղթա. ողջույն 50-ականներ:
Չստացված կերպարներ
Լիլիթ Կարապետյան
Լիլիթ Կարապետյանը bebe ապրանքանիշի դե՞մքն է, թե՞ պաշտոնական ներկայացուցիչը Հայաստնաում: Այդ դեպքում կարելի էր արդարացնել կառուցվածքին բացարձակ չհամապատասխանող, փայլփլուն ուսերով «սպառծիվկայի» առկայությունը: Մյուս կողմից, եթե նույնիսկ Լիլիթը bebe ապրանքանիշի դեմքը լիներ, սա ավելի շատ հակագովազդ է, քան գովազդ:
Նազենի Հովհաննիսյան
Տպավորություն է, թե Նազենիի զգեստը դեռ պատրաստ չէ կամ նա սխալ ներքնազգեստ է ընտրել, ինչ էլ որ լինի, սա fashion ձախողում է:
Դիանա Գրիգորյան
Եթե սա լիներ Դիանայի «Վերջին զանգ»-ի երեկույթի զգեստը, որը հավանաբար անցկացվել է հեռավոր 90-ականներում, կասեինք` բրավո: 20 տարի առաջ այն միգուցե հաջողություն ունենար իր դպրոցական ընկերների շրջանում, բայց մենք ապրում ենք 2016-ում և Pan Armenian Entertainment Awards-ը Դիանայի «Վերջին զանգ»-ի երեկույթը չէ:
Արփի Գաբրիելյան
Արփի Գաբրիելյանի երկրորդ զգեստը մեզ մի քիչ անհասկանալի թվաց, տպավորություն է , թե այն մեծ է կամ չի համապատասխանում Արփիի կառուցվածքին: Ամեն դեպքում, գեղեցկուհի Արփիից մենք ավելին էինք սպասում:
