Հոկտեմբերի 31-ին Նազիկ Ավդալյանը դարձել է 30 տարեկան: Ծանրամարտիկը ծննդյան օրը եղել է Երեւանում եւ Գյումրիում՝ տոնական օրն անցկացնելով ընտանիքի անդամների ու մտերիմների հետ.«Հատուկ խնջույք չեմ արել, ավելի շատ նախընտրում եմ քիչ մարդկանցով հավաքույթներ։ Չեմ կարող ասել, թե տարեդարձս չեմ սիրում, պարզապես մյուս օրերից չեմ առանձնացնում»։
BRAVO.am-ի հետ զրույցում ծանրամարտի Եվրոպայի չեմպիոնուհին հայտնել է, որ հաճելի բարեմաղթանքներ է լսել, շատ կարեւորում է որդու՝ Վաչեի վերաբերմունքը. «Տղաս «Ծնունդդ շնորհավոր»-ը երգեց, սպասեց երազանք մտապահեմ, որ միասին փչենք տորթի մոմերը։ Իհարկե, հաճելի էին շնորհավորանքները, հատկապես անսպասելի էր Ֆրանսիայի, Քաթարի, Բրազիլիայի հայերից զանգեր ստանալը, որոնց հետ ծանոթացել եմ մրցումների ժամանակ»։
2016 թվականը Նազիկի համար ավելի քան մարզական է. ապրիլին Նորվեգիայում կայացած ծանրամարտի Եվրոպայի առաջնությունում նա դարձավ Եվրոպայի չեմպիոն, այնուհետեւ Բրազիլիայում 31-րդ Օլիմպիական խաղերին զբաղեցրեց 5-րդ հորիզոնականը։ Այժմ ժամանակի մեծ մասն անցկացնում է ընտանիքի հետ.«Քանի որ մարզիչս Գյումրիում է ապրում, հիմնականում այնտեղ էի մարզվում եւ ժամանակ չէի ունենում զբաղվել մեր տան նորոգման, կահավորման հարցերով: Հիմա դրանով ենք զբաղվում, որ առաջիկայում Երեւանում ապրենք»։
Մանրամասները` այստեղ:
