«Սիրո գերին» հեռուստասերիալը շուտով կհատի եզրագիծը: ESem.am-ի տեղեկություններով, հեռուստասերիալի նկարահանումներն արդեն ավարտվել են: Այս մասին մեր լրատվամիջոցի հետ զրույցում հաստատեցին նաև դերասաններն ու ստեղծագործական անձնակազմը:
Վերջիններիս փոխանցմամբ` հստակ օրը դեռ պարզ չէ, սակայն սերիալի հեռուստատեսային ցուցադրումն էլ շուտով կավարտվի: Այն շարունակություն չի ունենա, փոխարենը` մեկ այլ նախագիծ է ներկայացվելու հեռուստադիտողին:
Սերիալի ստեղծագործական անձնակազմից տեղեկացանք նաև, որ այն, ինչպես բոլոր սերիալները, բարի ավարտ է ունենալու. Հեքիաթների նման բոլորը հասնելու են իրենց նպատակին, բարին հաղթելու է չարին :) Դե, իսկ հարսանեկան տեսարանների պակաս ևս հեռուստադիտողը չի ունենա :)
Իսկ մինչ այդ հեռուստադիողը կարճ անոնսով կտեղեկանա, թե ինչպիսի հագուցալուծում է ունենալու սերիալը, ինչպես են դասավորվում իրադարձությունների հետագա ընթացքն ու սիրված ու չսիրված կերպարների ճակատագրերը:
Ներկայացրեց Արևիկ Իսաջանյանը
