Երգչուհի Գաբրիելա Գալոյանը ֆեյսբուքյան իր էջում գրում է.
Հայաստանում ապրող հայերի դեմքին ժպիտ եկավ այն ժամանակ, երբ հայ զավակները ետ վերադարձան տուն: Լիարժեք ուրախություն զգացինք վերջին 1 ամիսը: Երկար տարիներ այդ հրճվանքը չկար: Հասկացա, որ ազգին, ոչ թե դժվար կենցաղն է կոտրում, այլ մասնատվածությունը և լքված լինելու հոգեբանությունը: Ինչպես դիմացանք ծանր տարիներին` միասնականության հաշվին:
Ոչ մի վատ պայման չկոտրեց մեր ծնողներին, մեծացրեցին մեզ: Մաքսիմալ ուշադրությամբ և առողջ հոգեբանությամբ` չնայած ծանր պայմաններին: Մենք այն սերունդն ենք, որոնց մեծացրել են ցրտին, մթին, ծառ կտրելով, քարշ տալով, բերել վառելով, հաց թխելով , տաքացրած քարերը սրբիչի մեջ փաթաթելով, տաքացնելով, և այսպես կարող եմ թվել շարունակաբար ... Շնորհակալ ենք ամենի համար մեր ծնողներին և պարտավորված ենք լինել լավ զավակ թե մեր ծնողների համար, թե Պետության համար:
