Դերասանուհի  Լուիզա Ղամբարյանը շատ է սիրում ֆիլմեր դիտել, թեև ժամանակի սղության պատճառով այժմ չի հասցնում հաճախ դիտել ֆիլմեր: ESem.am-ն այս կիրակի ներկայացնում է Լուիզայի նախընտրած ֆիլմերը:

«Ֆիլմ դիտելն ինձ համար երկկողմանի գործընթաց է՝ որպես դիտող, մի քիչ էլ որպես մասնագետ: Ես մասնագիտությամբ կինոռեժիսոր եմ և ֆիլմ դիտելիս փորձում եմ մասնագիտական հնարքների մեջ խորանալ: Թեև կայացած մասնագետ չեմ, ռեժիսորի աչքերով տեսնում եմ մի շարք նրբություններ»,- նշեց դերասանուհին:

Լուիզայի խոսքով՝ ռեժիսորական աշխատանքը, դերասանական խաղը և սցենարը փոխկապակցված են, սակայն  նրա համար դերասանական խաղը մի փոքր առաջնային է: «Դերասանի էներգետիկան շատ կարևոր է: Եթե դերասանն ինձ հուզեց, ես շարունակում եմ դիտել ֆիլմն ու ընթացքում արդեն կարողանում եմ արձանագրել ռեժիսորական որակն ու սցենարը, որոնք ամենակարևոր բաղադրիչներն են»,- ասաց նա ու հավելեց, որ կան ֆիլմեր, որոնք կարող է դիտել մի քանի անգամ:

Նա նշեց, որ  ամեն տարի դեկտեմբերի 31-ին դիտում է «Բաղնիքդ անուշ» («Ирония судьбы») ֆիլմը: «Հիմնականում մանկությանս ֆիլմերն եմ դիտում երկրորդ կամ երրարդ անգամ, քանի որ դրանք ասոցացվում են տարբեր հիշողությունների հետ»,- ասաց դերասանուհին:

Լուիզայի համար  ֆիլմ դիտելու լավագույն վայրը տունն է: «Սիրում եմ ֆիլմ դիտել և՛ մենակ, և՛ ամուսնուս՝ Գեորգիի հետ: Դա կախված է ֆիլմի ժանրից և ասելիքից: Կան ֆիլմեր, որոնք ամուսնուս հետ դիտելիս ավելի լավ եմ հասկանում ու տպավորվում, կան ֆիլմեր, որոնք նախընտրում եմ մենակ դիտել: Կատակերգական ֆիլմերն աղջկաս հետ եմ սիրում դիտել, քանի որ նրա ծիծաղից, արձագանքից ավելի շատ եմ հաճույք ստանում: Միգուցե միայնակ դիտեի, դրանք ինձ համար այդքան տպավորիչ չլինեին»,- նկատեց դերասանուհին:

Ահա և նրա հնգյակը:)

Пролетая над гнездом кукушки

Человек дождя

Адвокат дьявола

Персонаж

Москва слезам не верит