Մարինե Ալեսի «Սիրո հանգրվաններ...» հեղինակային բարեգործական համերգը նպատակ ունի աջակցել օնկոլոգիական և այլ ծանր հիվանդություններով տառապող երեխաներին:
Համերգին, Կադանս անսամբլի նվագակցությամբ, կհնչեն հեղինակի հին ու նոր ստեղծագործությունները նոր գործիքավորմամբ:
Մասնակցում են Դավիթ Ամալյանը, Ֆորշը, Գևորգ Հակոբյանը, Ջանինան, Վահագն Հայրապետյանը, Էդուարդ Հարությունյանը և Ջիվան Գասպարյան կրտսերը, իսկ հեղինակի կատարմամբ կհնչի երկու նոր ստեղծագործություն:
Նշենք, որ համերգը տեղի կունենա մարտի 2-ին, Հակոբ Պարոնյանի անվան երաժշտական կոմեդիայի պետական թատրոնում:
Համերգի կազմակերպիչ TM production ընկերությունից էլ տեղեկացնում են, որ համերգի ողջ հասույթը կտրամադրվի «Նվիրիր կյանք» հիմնադրամին:
