Սիրուշոն լսարանին շուտով կներկայանա նորությամբ։ Այն կլինի նոր երգի ու տեսահոլովակի տեսքով։ Երգչուհին այս մասին կիսվել է ինստագրամյան իր էջում՝ փոքրիկ հատված հրապարակելով երգից ու տեսահոլովակից։ «Շուտով»,-գրել է նա։
Посмотреть эту публикацию в Instagram
Տեսանյութում Սիրուշոն հուլունքներով ու ժանյակներվ պատրաստված սպիտակ զգեստով է, իսկ մազերը ոճավորված են խոնավ էֆեկտով։ «Ինձանից ավել ոչ ոք քեզ չի կարող սիրել։ Դու արեւ ես, արեւից էլ վառ ես առավել»,-երգում է նա։
Երգչուհու սպասվող նորությանը դրական են արձագանքել ինչպես երկրպագուները, այնպես էլ՝ գործընկերները։ Մեկնաբանություն է թողել նաեւ ամերիկահայ դիմահարդար Հրուշ Աճեմյանը, որը հայտնի է Քիմ Քարդաշյանի հետ իր համագործակցություններով, եւ աշխատել է նաեւ Սիրուշոյի հետ։ «Այս մեկին անհամբերությամբ եմ սպասում»,-գրել է նա։
