Մերիլին Մոնրոն հայտնվել է CR Fashion Book China ամսագրի շապիկին: Խմբագիրները ստեղծել են լեգենդար դերասանուհու 3D մոդելը՝ թվայնացված արխիվային կադրերի հիման վրա։ Մոնրոն հայտնվել է Fendi-ի, Miu Miu-ի, Balenciaga-ի, Thom Browne-ի, Balmain-ի և David Koma-ի հագուստներով, ինչպես նաև Auroboros և Tribute Brand թվային նորաձևության տների մոդելներով:  

Մերիլին Մոնրոն մահացել է 1962 թվականին՝ 36 տարեկան հասակում, բայց մինչ օրս փոփ մշակույթի խորհրդանիշ է: Վերջին երկու ամիսներին դերասանուհուն հատկապես հաճախ էին հիշում՝ կապված այն բանի հետ, որ Քիմ Քարդաշյանը Met Gala-ի պարահանդեսին կրում էր Մոնրոյի լեգենդար զգեստը, որով նա Ջոն Քենեդիի համար երգում էր «Happy Birthday, Mr. President»֊ը։