Esem.am-ը գրում է.
- Փրկարարները մարդիկ են, ովքեր…
- Փրկում են մարդկանց` իրենց կյանքը զոհաբերելով:
- Եթե իրական փրկարար լինեիր…
- Կյանքիս գնով կփրկեի ցանկացած մարդու:
- Երբեք փրկարար չէիր դառնա, որովհետև…
- Փրկարար կդառնայի, եթե անհրաժեշտ լիներ:
- Փրկարար դառնալը մանկության երազանքներում եղել է:
- Չի եղել ու չեմ էլ մտածել դրա մասին:
- Փրկարարների մասին ֆիլմում նկարահանվելուց հետո ի՞նչ կասես. ի՞նչն է ամենից շատքեզ գրավել այդ մասնագիտության մեջ:
- Համարձակությունը, ցանկությունը, ձգտումը, բարությունը, քանի որ փրկարար լինելը բարի գործ եմ համարում:
- Ի՞նչ տվեց քեզ փրկարարի դեր կերտելը:
- Չեմ մտածել այդ մասին: Բայց կարող եմ ասել, որ մինչև նկարահանումները սկսելը փորձաշրջան ենք անցել, որի ընթացքում շատ բաներ ենք սովորել. ինձ թվում է` այդ ամենը կյանքում պետք կգա:
- Քո կերպարը մյուսներից ինչո՞վ էր տարբերվում:
- Նրանով, որ փրկարարի աշխատանքն ընտրել էի ոչ թե սիրելով, այլ այն պատճառով, որ սիրահարված էի Անի Երանյանի դերակատարին` Սոնային: Նույնիսկ տեսարան է լինում, որ ես վախենում եմ մոտենալ ու փրկել մարդկանց:
- Խաղընկերներից ո՞ւմ հետ ես ավելի լավ լեզու գտնում:
- Բոլորի. չեմ ուզում որևէ մեկին առանձնացնել:
- Նկարահանումների ընթացքում կատարված ամենահետաքրքիր դեպքը:
- Ամենահետաքրքիրն այն էր, որ մի տեսարանի ժամանակ երեխայի գլուխը մնացել էր ճաղերի արանքում, մենք պետք է օգնեինք ու հանեինք: Այդ ժամանակ մի պապիկ եկել ու գոռում էր, որ մենք սխալ ենք անում ու համոզում էր մեզ, որ պետք է օճառ քսենք այդ երեխայի գլխին, նոր հանենք: Մենք նրան անընդհատ ասում էինք, որ ֆիլմի նկարահանում է, բայց հենց սկսում էինք նկարահանումը, դարձյալ գոռում էր ու խանգարում :)
- Էլ ո՞ր մասնագետներին նվիրված ֆիլմում կցանկանայիր խաղալ:
- Որպես դերասան` ինձ բոլոր մասնագիտություններն էլ հետաքրքիր են: Շատ կցանկանամ գժի դեր խաղալ:
Նեկայացրեց Արևիկ Իսաջանյանը
